Friûl.net

Time 2020-11-07 20:04:38

Web Name: Friûl.net

WebSite: http://www.friul.net

ID:108262

Keywords:

Fri,net,

Description:

«L’acès a l’aghe di bevi par ogni om e lis straçariis da lis aghis a son cuistions di justizie sociâl. Ducj a son cjapâts dentri»: i Vescui talians a dedichin a l’aghe e a la sô gjestion la “Zornade dal ringraziament”, che chest an e cole domenie ai 8 di Novembar. Il mes che le prepare al à par titul “L’aghe, benedizion pe tiere”. «No si po dismenteâsi che l’aghe e je un “ben coletîf” – a marchin i vescui – ch’al à di jessi doprât seont la sô destinazion universâl. Par chel, no à di paronâ une concezion afaristiche, ch’e puarte a considerâ l’aghe une marcjanzie, justificant privatizazions fûr dal vade. L’aghe e à un valôr public: s’e mancje une regolamentazion juste de bande de autoritât politiche, a puedin risultâ favoridis speculazions e gestions ch’a peiorin la cualitât de aghe e ch’a compuartin coscj che no rivin a frontâ ducj». Il numar 11 di “RRNmagazine”, riviste curade dal Ministeri de Agricolture e des Forestis, al fronte la cuistion de “Economia collaborativa e di comunità nelle aree rurali”. La publicazion, che si pues leile sore nuie, discjamantle dal lûc internet www.pianetapsr.it, e fronte il puest des Comunitâts rurâls te produzion di bens e di servizis. Il “Centri servizi volontariât” regjonâl al propon un cors su lis tecnichis di progetazion sociâl. Al larà indevant cun 4 “webinar” di dôs oris parom, ai 11, ai 16, ai 18 e ai 23 di Novembar, di 17.30 a 19.30. Ai 2 di Novembar, al cole il XLV cjadalan dal sassinament di Pieri Pauli Pasolini (www.friul.net/dizionario_biografico/index.php). La Patrie e ricuarde il poete di Cjasarse (1922-1975) cuntun spetacul dedicât al rapuart ch’al ve cu la musiche di Johann Sebastian Bach. Li dal «Teatro Verdi» di Pordenon, par cure dal «Centro studi Pasolini» di Cjasarse, si esibissaran a 18 Roberto Calabretto e Clarissa Bevilacqua. Te stesse dì dal innovâl, il distributôr regjonâl «Tucker Film» (www.tuckerfilm.com) al propon par dute l’Italie il documentari «In un futuro aprile - Il giovane Pasolini» di Francesco Costabile e di Federico Savonitto, ch’al conte il Pasolini de «Academiuta» e ch’al proferìs l’ultime interviste cun Nico Naldini, muart ai 9 di Setembar stâts. Par cognossi il “Dossier Statistico Immigrazione 2020”, publicât par cure dal centri “Idos”, e par profondî i aspiets regjonâi de cuistion, si pues tornâ a scoltâ la presentazion “on line”, curade dal president dal Centri pal biel acet di Çuian, pre’ Pierluigi Di Piazza; dal coautôr dal scandai, Paolo Attanasio, puartevôs regjonâl di “Idos”; e dal president di “Ics”, Gianfranco Schiavone, ch’al è ancje lui autôr dal studi apenis saltât fûr. La regjistrazion complete dal ’seminari “Nuove sfide per la solidarietà”, ch’al à screât il percors pe realizazion de normative regjonâl ch’e metarà in vore la riforme dal Tierç Setôr, si pues scoltâle tal lûc internet https://terzosettore.fvg.it/evento/seminario-22-ottobre/. Parie, si podarà scrutinâ lis diapositivis dai reladôrs e, in curt, a saran sometûts ancje i intervents dal public. La vore e larà indevant cu la ricolte di altris contribuzions. La clape dai “Amici dell’Hospitale”, dai 5 ai 8 di Novembar, e propon “Il Cammino di San Martino”, di Smartno Brda a Tisane, passant par Nova Gorica e Acuilee. Pe cjaminade spirtuâl si varà di dâsi in note dentri dai 3 di Novembar, doprant lis direzions eletronichis o telefonichis (328 8213473). La rassegne “Friuli-V. G. Fotografia” e propon la sô seconde mostre li dal Museu d’art di palaç Ricchieri, a Pordenon. Fintremai ai 15 di Novembar, si podarà rimir⠓L’Isola della salvezza”, il proget di Francesco Comello dedicât a la comunitât spirtuâl, educative e culturâl, ch’e opere dai agns dal Novante in Russie pal biel acet de frutarie. Oraris: vinars, sabide e domenie, 15-19. Dai 27 ai 30 di Otubar, al cole l’innovâl de montane “Vaia”, che vie pal 2018 e à fiscât boscs e regjons alpinis. Di chê strade, la riviste “Sherwood”, tal numar 249 Novembar-Decembar, e propon un articul ch’al confronte ducj i disastris climatics sucedûts in Friûl di 25 agns incà. La “Fondazione Aquileia” e propon sul so cjanâl “YouTube” la version integrâl dal docu-film “Le tre vite di Aquileia”. La vore e je stade curade cul jutori di “Sky Arte” e “Istituto Luce Cinecittà”, cu la regie di Giovanni Piscaglia.

TAGS:Fri net 

<<< Thank you for your visit >>>

Hot Websites