КОНКУРС ПРАЕКТНЫХ ПРАПАНОВАЎ

Праграма Belarus Beehive абвяшчае конкурс праектных прапановаў для беларускіх ініцыятываў і арганізацыяў грамадзянскай супольнасці, а таксама для журналістаў-раследвальнікаў.

Мэта конкурсу – дапамагчы грамадзянскай супольнасці выжыць у час рэпрэсіяў і зрабіць унёсак у пераход Беларусі да дэмакратыі.

Тэматычныя кірункі праграмы

​

Мы фінансава падтрымліваем грамадзянскія ініцыятывы і арганізацыі грамадзянскай супольнасці наступных тэматычных кірункаў:

адукацыя

культура

мясцовае самакіраванне

прафсаюзы і працоўныя дачыненні

журналістыка раследаванняў

падтрыманне кааліцыяў

​

Іншыя сферы дзейнасцi таксама могуць быць уключаныя, калі гэта апраўдана і адпавядае мэтам праграмы Belarus Beehive.

Прыярытэты праграмы
Belarus Beehive

Мы разгледзім праектныя прапановы, якія:

​

дазваляюць арганізацыям i ініцыятывам грамадзянскай супольнасці працягваць дапамогу і аказанне паслугаў сваім мэтавым супольнасцям;

дапамагаюць беларускаму грамадству зменшыць наступствы рэпрэсіяў;

раследуюць падзеі павыбарчага перыяду, карупцыю, гвалт з боку сілавікоў у дачыненні пратэстоўцаў ды падобныя рэчы і падзеі апошняга часу

дапамагаюць задаволіць неадкладныя мясцовыя патрэбы, выкліканыя пандэміяй COVID-19;

прапануюць пілотныя інавацыйныя рашэнні самых надзённых праблемаў з магчымасцю далейшага маштабавання;

забяспечваюць рэалізацыю пілотных ідэяў (праектаў) у ключавых тэмах праграмы (адукацыя, мясцовае самакіраванне і мясцовыя супольнасці, культура, прафсаюзы, працоўная і сацыяльная сферы) і ў шырэйшым маштабе.

Умовы атрымання дапамогі

Працягласць

Ад 3 да 12 месяцаў. Даўжэйшы тэрмін рэалізацыі можа быць разгледжаны ў выпадку пераканаўчых абгрунтаванняў.

Памер

Мінімум € 5000

Максімум € 60 000

​​

Дадатковае фінансаванне не патрабуецца.

​

Тыповы дыяпазон зацверджаных бюджэтаў складае ад 10 000 да 25 000 эўра.

Тыпы праектаў

У сферы адукацыі

Падтрыманне ініцыятываў у галіне грамадзянскай адукацыі, дапамога прыватным школам, супольнасцям і асацыяцыям настаўнікаў, супольнасцям бацькоў ды інш., каб забяспечыць якасную, сучасную і свабодную ад прапаганды адукацыю або асобныя навучальныя курсы; укараненне інавацыяў у адукацыйнае асяроддзе (у тым ліку «edtech»); падтрыманне аўтаноміі адукацыйных установаў і практык удзелу ў кіраванні, і інш.

​

У сферы мясцовага самакіравання і развіцця мясцовых супольнасцяў

Падтрыманне дзеянняў мясцовых дваровых ініцыятываў і створаных нанова або адноўленых органаў тэрытарыяльнага грамадскага самакіравання, накіраваных на развязанне мясцовых праблемаў і задавальненне мясцовых патрэбаў; правядзенне грамадскіх дыскусіяў, прысвечаных рэформам мясцовага самакіравання; падтрыманне мерапрыемстваў, якія звязаныя з мясцовымі выбарамі і г. д., дапамога мерапрыемствам мясцовых жыхароў дзеля паляпшэння мясцовых умоваў жыцця і самаарганізацыі ў розных фарматах;

​

У сферы культуры

Падтрыманне творчых праектаў рэпрэсаваных мастакоў і культурных калектываў; тэрміновае фінансаванне ініцыятываў; тэставанне новых змяшаных мадэляў фінансавання культуры; дапамога прафесійным аб'яднанням у сферы культуры і культурных хабаў; развіццё «супольнасцяў спадчыны»;

​

Для прафсаюзаў, а таксама ў працоўнай і сацыяльнай сферы

Кампаніі дзеля павышэння дасведчанасці і кампаніі рэкрутынгу новых чальцоў для прафсаюзаў; стварэнне і дапамога новым прафсаюзным арганізацыям і іх дзейнасці, і падобнае.

​

Для журналістыкі раследаванняў

Раследаванні, якія дазваляюць праліць святло на ўнутраную механіку ўлады, на павыбарчыя падзеі ў краіне, рэпрэсіі ды адказных за іх, і на падобныя тэмы.

​

Гэта далёка не поўны спіс тэмаў і кірункаў – BELARUS BEEHIVE адкрыты для разнастайных і інавацыйных прапановаў.

Прыклады актыўнасці, якой мы спрыяем

падтрыманне асноўнай дзейнасці, функцыянавання арганізацыяў (персанал, памяшканні, абсталяванне; інфармацыйна-камунікацыйныя тэхналогіі, сродкі сувязі ды інш.)

сустрэчы, семінары, воркшопы, канферэнцыі, лабараторыі; школы, хакатоны, летнія лагеры, грамадскія кансультацыі ды інш.

кампаніі і акцыі салідарнасці ў Беларусі і за мяжою

інфармацыйныя кампаніі і кампаніі адвакацыi ў Беларусі і за мяжою

распрацоўванне прадуктаў ІКТ, распрацоўванне крэатыўных прадуктаў

праца над рашэннямі, якія дазваляюць павысіць удзел уразлівых групаў у грамадскім жыцці

распрацоўванне і распаўсюд адукацыйных і інфармацыйных матэрыялаў

распрацоўванне і распаўсюд аналітычных ацэнак і дакументаў публічнай палітыкі

журналісцкія раследаванні гвалту сілавікоў, карупцыі ў вертыкалі, палітычных ды эканамічных аспектаў, ды падобнае

Праекты з інавацыйнымі элементамі (якія, напрыклад, уключаюць сацыяльныя ці тэхналагічныя інавацыі дзеля дасягнення мэтавых групаў) і пілотныя праекты з патэнцыялам тыражавання ў больш шырокім маштабе будуць мець прыярытэт

BELARUS BEEHIVE найперш падтрымае дзейнасць, якая ажыццяўляецца пераважна ў Беларусі ці, прынамсі, прыносіць карысць і падтрымлівае людзей у Беларусі.

Хто можа падаць заяўку

​

Перадусім, арганізацыі грамадзянскай супольнасці, як зарэгістраваныя (у Беларусі, суседніх краінах ці краінах – чальцах ЕЗ), так і незарэгістраваныя ініцыятывы. Асобы, якія дзейнічаюць ад імя нефармальнай групы ці ініцыятывы, таксама могуць падаць заяўку.

​

Атрымальнікі павінны мець адпаведную сістэму фінансавага кіравання дзеля забеспячэння адэкватнай справаздачнасці і кантролю, магчымасць падаць неабходную дакументацыю, якая пацвярджае выдаткi, ці быць гатовымi прайсці курс навучання ў галіне фінансавага кіравання.

​

Прэтэндэнты могуць дзейнічаць індывідуальна або ў партнёрстве. У выпадку партнёрства адна фізічная або юрыдычная асоба павінна выступаць як вядучая арганізацыя. Вядучаму заяўніку дазваляецца выступаць як партнёру ў іншых праектах.

Як падаць заяўку

​

Форма заяўкі складаецца з двух абавязковых дакументаў:

​

апісанне праекта (для заявак апроч журналістыкі раследаванняў абавязкова кіраваццаўзорам);

бюджэт у еўра (для заявак па ўсіх кірунках абавязкова кіравацца ўзорам).

​

Форма заяўкі запаўняецца на беларускай, рускай або англійскай мовах і можа ахопліваць адзін або некалькі тэматычных сектараў.

​

Праектныя прапановы трэба падаваць толькі праз анлайн-формы на сайце праграмы!

Тэрміны разгляду

​

Заяўкі будуць прымацца на сталай аснове з 2 кастрычніка 2021 года.

​

Калі не дамоўлена інакш, падтрыманыя праекты мусяць завяршыцца не пазней за 31 чэрвеня 2023 г.

​

Вы атрымаеце адказ на сваю праектную прапанову на працягу 1 месяца, а пачняце рэалізацыю праекта не пазней, чым праз 2 месяцы з даты падачы заяўкі, калі ваш праект не перавышае 15 000 еўра.

Гэтыя тэрміны могуць складаць 2 і 3 месяцы адпаведна, калі ваш праект перавышае 15 000 еўра.

Заяўкi на журналістыку раследаванняў

Заяўкi па іншых кірунках

З 15 мая 2022 г. прыём заявак на ўсе кірункі часова прыпыняецца. Разгляд заявак будзе адноўлены ў верасні 2022 г. Больш дакладную дату мы паведамім пазней.

Зычым поспеху і мужнасці, каб вярнуць нашай краіне свабоду і збудаваць новую дэмакратычную Беларусь!