JUBiLEE AWGIN | In God We Trust, A mouthpiece of K.Salbung Khopi Golden Jubilee Celebration
Time 2021-11-24 09:19:25Web Name: JUBiLEE AWGIN | In God We Trust, A mouthpiece of K.Salbung Khopi Golden Jubilee Celebration
WebSite: http://jubileeawgin.wordpress.com
ID:247448
Keywords:
God,We,Trust,JUBiLEE,AWGIN,In,mouthpiece,Golden,Description:
keywords: description:In God We Trust, A mouthpiece of K.Salbung Khopi Golden Jubilee CelebrationGS Score Prelims 2019 Test 9 With Answers Like Us on FB Follow Us on Google+ Follow Us on Twitter Join Us On Telegram Share Your Materials and Tests at… 41 more words
via GS Score Prelims 2019 Test 9 With Solutions — IAS Materials
Jubilee Coundown 4 Days to go
NEW YEAR (KUMTHAH)…
NEW YEAR a EYF te laasah pet
Kumthah lopna loupi tah ina mangchai uvin, khosung leh houbung mipiten jildoh tampi ineidiu katahsan in ahi. Chutoh kilhon in Kumthah iti hung kiman panham ana veu hite:
Kumthah kiman hi semtil apat ana hideh pon ahi, 2000 BC Mesopotomia a march lhakim lah in kumthah ana mangpan uvin ahi. Egyptians, Phoenicians chuleh Persians hon March lhakim kumthah in ana mang uvin, Greeks hon vang phalbi lai phat a ana mang uve.
Masanglai Roman calendar ah 1st march kumthah in ana mang uvin, amaho calendar hin lha (month) 10 bou anei in ahi. Rome te Leng nina Numa Pontilius in January leh February ahin koilut phat in 153 BC’n 1st January kumthah ana mangpan kit taovin ahi. Ahinlah phat khat khat teng march 1 kumthah tin amang kit jiuvin ahi.
Julian Calendar juihon 46 BC a Julius Ceasar in lha leh Ahsi kitol dan dungjui in January 1 hi kumthah ahi mong’e tin amaho lengvai pohna sungsea kumthah nikho tin amang taove.Mediaval Europe a 564 in ‘The Council of Tours’ hon January 1 kumthah ana subei uvin, Dec.25 Jesu pen nikho hi kumthah in ana mang uvin ahi.
Gregorian Calendar jui holah a Reformer hon 1582 apat in January 1 kumthah dihtah ahimong e tin vannoija ahin lhangsap kit uvin ahi Catholic hon ahin mangpan pai uvin, ahinlah Protestant honvang ol’in ahin mangpan uvin ahi. 1752 masang chan gei chun British Empire sung leh American colonies holah a march 1 kumthah in ana mang uve.
(By:-D. Ginkhomang)
JUBILEE NEWS:
GJCC 18 vei chan toukhomna Ml.Nehthang Inn a ananei uvin ahi. Jubilee Badge 200 pcs KSYC te mopohna noija kisemding ahi. Jubilee USHERS leh Badge behdingho:1.Ms. Lhingjahat ‘B’ 2. Ms. Lhaineimoi. 3. Ms.Chongneo 4.Ms.Nengneikim 5.Ms. Mima 6.Ms. Boinu Chinneineng 7. Ms. Lhingpichong 8. Ms. Mary Chinkholhing 9.Ms.Martha 10.Ms. Nemneihat.
VIP ho jenle ding:
1.Ms.Nengpi 2.Ms.Lhingboi 3.Ms. Neithem 4. Ms. Nemjalhai 5. Ms. Nengneivah 6.Mr.Seingam 7. Ms.Lhaikhohoi 8.Mr.Pagin 9.Mr. Ginkhopao
USHER’S PASALHO:
1.Laljahao 2.Nehlenlal 3.Paominthang 4.Kamminlun 5.Ngamminlal 6.Ginlungmoun 7.Thongjathang 8.Kamkhomang 9.Paominlen 10.Demkhomang 11.Japhet 12.Nehlenmang 13.Ginkhomang ‘B’ 14. Elminthang.
Jubilee banner design leh anabol ding’in Mr.Thenlal leh Mr.Nehlenlal ngense ahilhon tai. Jubilee Nite a khosung leh prog. vesui ding K.Salbung Welfare Commt. ngense ana hitaove.Jubilee nikho a parking munding Pu Thonglet Complex amopo ding anoija ho chenghi lhendoh ahitauve:1.Thangkhosei 2.Letkhotinthang 3.D.Thongkhosei 4.S.Thongkhosei 5.Thanggoulen 6.Lunminthang 7.Semminlal 8.Paothangvung (Pong) 9.David 10.Thanggoulun 11.Lalkhomang
Jubilee kingoun media coverage anoi’a hohi kouding in GJCC hon anaphatsah tauve:1.Eimi Times- Pu Lalboi Gangte 2.TC Network-Pu Semboi 3.Manipur Express 4.Lamka Post 5.Sangai Express 6.Imphal Free Press
Songphung ah Jubilee song tundoh ana hitai.Khosung mipiten Golden Jubilee Song atundoh pet u Mess Sub-Commt. ho hin hetsah dungjui in anoi’a chenghi mehon leh sasem ding’a ngense ana hitaove:Jubilee Be- 1. Ml.T. Kaiminlun 2. Ml. T. NgamletKhosung Gollhang hole Upa hon Jubilee song atundoh pet u
Mehon sa-sem dingho:1.Ml.Lhunthang (Leader) 2. Ml. Thanggin (Leader) 3. Ml.Doulen
4. Ml.Singkholen 5. Ml.Khupsei 6. Ml.Nehsat
7. Ml.Jamkholal 8. Ml.Jangthang 9. Ml.Ngamjalet
10. Ml.Janggin 11. Ml.Letthong 12. Ml.Henpao
13.Ml.Haokhomang 14. S.Demkholun 15. Ml.Chunglet
16. .Ml.T.Letkholun 17. Ml.S.Paosei 18. Ml.Thongneo
19. Ml.Thatmang 20. Ml.Paominlal 21. .Ml.Khaimang
22. Ml.SK.Thangcha 23. Ml.Thangjalen 24. Ml.D.Jamkholun
25. Ml.T.Lunminthang 26. Ml.Paojangam 27. Ml.Lengjakhup
28. Ml.Khaiminthang
Jubilee Queen Contest SCREENING 05/01/14(Sunday) Khuga Dam, Songpi, Ngaloi munna neiding ahitai tin Nl. T.Nemneilhing leh Nl.D.Lhingbem akon hetsahna akimun ahi. Chutoh kilhon in contestant ho aphatcha D.Lhingbem te (Tutuite) inn-mun’a kisuh khomding Pu.D.Mangneo, Pu DK.Thangboi, Pu Nehthang, Pu D.Lalboi gari a kitol pheiding ahi tin ahin hetsah uve. Jubilee suong hondohna mun’a Minister Rev.D.Jangkholam Exe.Director in Khopi maicham alhanding ahin koi tobang mimal a maicham semnom hon maicham nahin kichoi cheh diuvin hetsah nahiuve tin GJCC Chairman Ml.S.Hejang in ahin hetsah’e. Jubilee Souvenir 06/01/14 nikho tengleh BCPW Lamphel mun’a lahdoh ding ahitai. Jubilee Tresurer Pu Nehthang akon in Fund hinpe holeh summu dan lhangpi anoija banghin tahlang ahi:I. ECA K.Salbung ₹ 50,0000/-
II. MGNREGS ₹ 2,39,700/- (15 Days)
Mimal tuchan Budget hinpe ho –Ml. T.Seijathang 2. Nl.DimjavahNg. Hoineilhing 4.Nl. ChinjanengMl. Thenlal 6.Ml. KhaiminthangNl. Hoiting 8. Ml. DN KukiNl. NengneivahÁ’ 10. Ml. PaojangamDr. DD Haokip 12. Nl. D.LhingbemDr. Letkhojam 14. Ml. DK ThangboiMl. Dousei 16. Ml. Robert SeilamNl. T.Alhing 18. Ml. D.LunseiNl. D.Lamneikim 20. Ml. L.KaiminlunNl. L.Chongboi 22. Gl. D.ThonggoulenNl. Lhingjaneng Á’ 24. Ml.TongkhaiNl.D.Lhingjaneng 26. Ml. D.TongkhoseiNl.D.Lhinglam 28. Ml.D.LetkhoginMl.D.Letkhohao 30.Nl.D.HoinuMl.D.Paojahao 32.Ml.ThangpumMl. Wilson 34. Ml. D.HopelenMl. D.Satthang 36. Ml. D.OnmangMl. D.Letkholun 38. Ml. D.GinkhomangMl.D.Thonglet 40. Ml.D.Paominthang41. Ml.T.Seilun
JUBILEE CHIBAI…!
Khopi Golden Jubilee mangthei dingá Pathen in phatpha eipeh utoh kilhon in GJCC ho lunggel theina jalín Jubilee Awgin kiti khosung chohthou ding Issue 9 changei ihin boldoh thei taovin GJCC hochung ah JA Editorial Board thakhelín kipathu seijou lou kahin phong in ahi. JA kiso nasung ah khosung mipite ho lungphatmo/lunghan nathei tampi jong kiso khading ahin Jubilee ahung lhuntoh kilhoná ibol khel nahou iki ngaidam to diuvin kahung taovin ahi. JA EB in theitop soá ahoi nathei pen dingá pan hung kila jing ahin, ahinlah GJCC holeh kho mipiho lungdei bangtah ajong kibol doh lou maithei, itohdoh kham kham uchu tuchung last issue ahitoh kilhoná ilung lhaidiu hitante.
KAKI PAH E.
Gl.Letthenlal, Editor in Chief
Editorial…!
Amasan Christa jal’a ngailut chankhompi mipite jouse KUMTHAH CHIBAI, chuleh tuni achaina chan’a eipanpiu chung Pathen thangvah in umhen. Boilou hel’a JA sodoh theina ding’a sponsor eibolpeh u GJCC, Hd.Office Nguul-Chin INN ho chungleh JA Editorial Board ho chung’ah seijoulou kipathu aki phong’e. Tomngai soleh kilungkhat najal ahi ti avel in iphong dohkit nom uve.
Ina galdot jing’u ahung lhungding 10th Jan.2014 a Golden Jubilee mangding ihi tah’u toh kilhon in, amin mai’a mangding kigo louvin khosunga álen aneo avai ibon chaovin chamna kingailutna kipum khatna Jubilee joh ahi nadin pan lakhom cheh kit u hite. Hichetoh kilhon chun tukum i-Jubilee theme u ‘In God We Trust’ (Pathen a kingai kahiuve) ti thucheng mangcha ihiu toh kilhon in Pathen a kingai jing techu; kipa, chamna, lungmon toh kilhon khomjing ihiuve ti sumil louvin eihojong kumthah imu jal uleh Jubilee mangding ihitah utoh kilhon in Pathen a kingai jing mite umchan jomdin Pakai min in iki tiem uve. K.Salbung vangkho Pathen in umpi henlang mapui jing tahen!
CHRISTMAS-NEWYEAR UPDATE…
24-26/12/13 Christmas lopna ana kimang in, Upa Paolam, Ml.Lalboi, Upa Khaimang, Ml.DK Thangboi, Rev. Dr.J.Lamboi hon Christmas sermon ana peuvin ahi.Upa Paolam
Rev. Dr. J Lamboi
DK Thangboi
EYF in Christmas Carol ah ₹ 20,000 val NewYear Carol a ₹22000 val ana mu uvin Christmas-NewYear fund din HB. khut a ana petaove.Evan Lalboi
Upa Khaimang
Houbung pilhing ihiu toh lhon’in Kumlui leh Kumthah a nehding Bongni (Papot bong) kumhei in ana kine chaitai. EYF te tohgon nanoija nupa (couples) limlahna ana um in Nu le Pate hon khanglaite tohgon kipapi naleh ngailut najal in Hou-Inn bang a aki post lah lah jeng uvin ahi.(Pu DN leh Pu SK lamkai na’n a nupa pa’n aki koi lah lah jeng uvin vetnom nom atohé) Kumthah kipapi naleh Houbung mipite ding gelna’n Pu T.Seijathang leh a-innsung miten Vohcha 1 ₹ 20,000 value ahin tohdoh uvin ahi. Amaho innsung chung hap ding in Houbung Nu le Pate hon ₹ 2K, ₹ 1K, ₹ 500 tohthei thei in atoh uvin Bongkhat ahin tohdoh uvin ahi. Houbung hon Pu T.Seijathang te innsung kipa vetsah na’n Bonglu ana peuvin ahi. EYF in kumthah leh kumlui vaangvetna lottery a ₹ 10,000 lhingdeh Christmas-NewYear fund din ana mudoh jou uvin ahi. Kumlui vaangvetna Gl.Yangfo Eimi lamkaina (Sweet Heart contestant no.1) hon Bong-Lu leh Bongkeng ana man uvin Ng.Nengpi’n Bongkeng ana kimat tai. Kumthah vaangvetna 1st Prize Bonglu Ml. Paojahao, 2nd Prize Bongkeng 4 -Mahajon Paojangam, 3rd Prize-Bongkeng 1 leh amei Japhet, 4th –Bonglaap T.Kaiminlun, 5th –KSC Bonglaap.K.Salbung Welfare, Cp. Ngamgoulun, Gl Henkholen, Ml. Lhunthang hon ‛Dyna Soap’ khat cheh anaman uvin ahi. Kumthah lopna a Rev. Robert Lecturer ECT in 31st apat 2nd Jan. chan Pathen thu a tilkhouna giltah ana neijin lung nachim aumme tin Houbung mipiten ana sei uve, lasah lenkhom jong ana nomlheh in ahi. Gampam a umho vahchoi lasah ngainom umtah chu mi aki kimlou jeh in angai nading bangtah in angai joupoi tijongleh aum dapon ahi.New Year Spear, Rev. Robert Vaiphei
Aveng veng laasah kitet na’a Vengchung Choir hon 1st ana la uvin, Venglai Choir holeh Vengnoi Choir hon suhkhel suhkhah kimat chel jeh in 2nd gel gel ana hilhon tai. Kumthah lopna kengchot thah pen2 kilhen na’ah Ml. DN Kuki ana changtai, (akengchot a kibeh sale 50% discount ₹…kitah jong aki lalha naipoi). Kumthah Speaker Rev.Robert H.Vaiphei in “Dongma neilou a hinkhoman…” ti asei chu Gl. Nehtinthang @Kabir, KSC leh Nehkupedia Founder Pu’n kaphat chompi ten’e anatin ahi. Ipijeh adidem tivang thuchen het ahi naipoi. Tuchung New Year Speaker ikou pau hi ikou khaten uve tin Gl.L.Kilong in atoh khompi EYF Commt. hokom’ah ana phongjal le in ahi. (hoiche sermon chun atohkhah ahi tadem tivang koiman asei theipoi) Kumthah kipapi na’a kivon dan jatchom chom ho:Ml. T.Ngamlet Hb.Tresurer — Coat, Tie,Sneaker baanglehGl. Letthenlal EYF Work Secy. — Coat, Tie, Sneaker baangset, Rug BagPu. T.Seijathang Conductor — Coat, Tie, SneakerPu. Nehthang Conductor — Coat, Jeans, Tie Christmas,New Year kichai tahtoh kilhon in EYF Commt. hon Social Work ana nei uvin ahi.→Jubilee Awgin Editorial Board in Head Office mun a Last Issue changei dam a eipui lhung pao Pathen thangvahna Ankuong ana sohkhom uvin ahi. Nehkhom nadinga hin kithopi Pi. Vahboi chunga JA Team in kipa thu seijoulou akiphong in ahi.
→Songs Drama ho vetkol nanoi jah Cultural Dance jatchom chom Nungah Gollhang hon nasa tahín ajil taove tin Pu.T.Samuel akon thulhut akimui.
KUM ATHAH KIT TAI; IPI DINGA ILUNG KHAM DIU HAM..?
“Aw kipanna christmas kavah choi lai hinkhongaiyin khongaiyin…” tia isah jing lai un, ijat ham khat in vang khongailou jen o cheloi2 o ti jong i om diu katah san e. Ajeh chu kumlui chu nang dinga kum ning kitel om tah jong himai thei ahin ipi hileh pathen thilsiem chunga thunei i om pouve.Ahin kum ahong thah phat tieng, mitin lunggel alam dang jep jin ahi. Tuhin kum ahong thah kit tan;aleh ipi lunggel na nei am sopi,nang tu kum? Kumlui in la nadal-lha mangjel tan,nungkou thei la ahi tapon,ahitah le ngai to ding khat chu…mailam thu bou ngaito joh chu phajo lou ding ham?Mihem in kinepna inei cheh un,hichi kinepna pum a kal suong cheh ihiu ve.Mihem in tupna inei phot le alampi2 a om e,aki tin.Kaneolai class-lll kasim kum chun,kapa in final exam ah 1st position a nahong le pistol 6 rounds ho kachoh peh di nahe atin(hiche lai a chu aman tam penho ana hi e,Rs.200).keijong hichi kinepna pum chun kumlhung kei in kanaha pan lheh jeng in ahi,ajeh chu kum lhun kinepna chu christmas lai le pistol cap changte choi a ‘theng-theng’ ti di bou ana kingah lel jin ahi.Athieng tah a sei din b’day neipa omlam cha jong anaki gel pha ji tapoi;natilou ham na,kabir..?(tulai vang hilou). Ahi le phat ahong chal in final exam result ahong soh tan,kinem tah in result ve a kaga che leh;eiha..! kamin chung ah ‘Mary’ kiti hmar numei khat min ana kitah vel vul tan,ka om nalam cha jong kahe jou tapoi.Chi kum chun c-mas chu deluxe pistol kiti Rs.45 mankhat toh hinkho kana mang in ahi.Hichun kapa in khovei jong le same ‘deal’ atin tamtah jong asei tapoi.Ahin akum kit chun thil dang ima geltalou in kumlhun final exam tokah chun hiche pistol deichat nan tokhu leu in pan kana lan ahi.Hichun exam kanbol jou tan,result kiphon kah se chun ui-eh soh mo kabang tan ahi.Ale, result ahong soh tan,avedin jong kache ngam tapon(nervous).Hichun result ve a gache kanaote hon topper ah na hong e gakivet in atiu chun,kaja man po…ka cycle kaki mat in school lang chu kalen thon ahi.Hiche ni chun result chu nilhahlang gei in vei li jen kaga veman in ahi,hichun anilhah mama in kapa chu tou mo ding mon kalhan pistol(6 rounds) chu kaga kichoh sah dop beh in,chu keo hilou in bonus a kengchot kang khat ‘air’ kiti(Rs.400) man khat jong eina choh peh e.Bosspa chu ana lunglhai ten hi di dan ahe.Hiche kum c-mas kimang vang chu o… “anuom thou e kaden”kahai mil thei hih beh e.(Lesson learnt: “never give up” ) Ahitah le sopite,i sei nompi pen u chu ipi ham..? Simlaiho ningkum na result chu nagel bang hilou mai thei,ahin kum thah hin nang din ipi vang nan poh peh em kinem tah in liem cheh un. “well began;half done” ti geldoh jing pum in,kum hong kipat2 hin ‘study plan’ kisem toh chet in lang,kumlhun phatle nuiseu a natu jat na-at thei na din hapan in.Hibang chun lou bol ho chule sumkol veiho amasung adang2 hojong…ning kum chu gelbang hita lou maithei,ahin tukum vang pathen hat na suong pum in kumthah vangboh chu kum lhun tengle aga ilo cheh diu ahi.Akhoh pen tah khat vang chu,kinep na vang itih lai hijong le lhaso poute,ajeh chu sap kang ten ”when you cease to hope; you cease to live” atiu vin. Mihem in kinepna lunggel inei lou teng leh hinlo jong omlou ahi.Lungkham vang a lunggel ngaito cham kim di hile vang aphat tin in lung kham tah tang,ahin hiche chu mohseh ahibou ve.Hisang chun itai kiga cheh u hitin,chung pathen vangboh chang pum in achesaho gel talou in malam joh no leuhen ngaidan khat ahe.Ajeh chu pathen in mijouse a din ama to toh thil khat akoi peh cheh in,lung nengtah leh kinem tah a ngachu ikin uh ahi. Hijeh chun Khai-e..! khosung mipite,khang un;thou un “jubilee dahpi ging kon cha ahi tai”.
“koi hile akisong a chu pakaiya kisong hen” (1 corinth 1: 31) By: Capt Thonggoulen
(Via Singsonlien@gmail.com)
KSYC General Body Meeting 05/01/14 (Sunday) vai kaikhom jou kiti chu GJCC meeting leh Jubilee Queen Screening aum ding jehín nilhah kikhop jou a neiding ahitai.KSYC member jouse pangkim cheh ding in hetsahna Prez. KSYC in ahin bol in ahiHAPPY GOLDEN JUBILEE …HAPPY JUBILEE…!
Jubilee Coundown 19 Days to go
VET TON UM KITET NA
Welfare EYF Chairman Pu Ginkhomang
“Chihna chu sangtah in domsang in chutileh chihnan nangma nadop sang ding ahi”
Khosung vengsung khantou machal nading hin Themjilna (Education) hi apoimo lheh jeng in ahi. Tulai khantou dungjui hin ami takip in Themjilna hi angai khoh lheh uvin, neh le chah, sill eh chen sang sang in jong igelkhoh jouve kiti leh kisei khel lou meithei ahi.Adeh in eiho kho mite ikitet naohi hoi kasa lheh in ahi. Nu leh pa ten chate themjilna ding nasatah in igel khoh lheh uvin ahi. Igelkhoh utoh kilhon in ichateu jong Pathen phatthei boh jal in alhangpin lekha athem thei uvin, class toppers, proficiency award chuleh District level, state level competition chan gei ah jong lolhing leh pan la thei phabep ina um uvin lunglhei um kasa lheh e. Nu leh pa ten agel khoh utoh kilhon in simlai chapang hon jong lekhasim ahin boipiu vin panna thei chan a pan ahin lauvin lolhin natei ding hin atamjon atup diu katahsan in ahi. Lolhin mei mei jong hilou a asang pen pen tup leh asang pen a hung jing kei simlai chapang ijat ham khat jong aum uvin pachat louthei ahi pouve.
Hitobang kitet na hoi hohi khosung vengsung jem hoi, khantou machalna ding a hatah a iboipiuva ibol jing diu hi poimo kasa lheh in ahi. Hou-inn kai hon akhut uva Bible akichoi jiu tobang a hi simlai chapang hon jong simlai ahinao milah a iki lah sah jing kei diu ahi.Iki sem dan hao, ivon u, isam tan dan u, ikho hei houva hi simlai kahi nalaije tihi itah lah diu ahi. Mihem ahina tahlang ho chu miki cheh, mi hangsan, PASAL kiti ahi. Mihem ahina loubeh a umho chu mi ngol, mi meidoi ahiuve. Khosung khantou nading leh machalna themjil (Education) kisa lal Welfare Commtt. Ho panlah na jong haimil thei ahipoi. Aphat phat cha a simlai curfew, lekhasim sunoh phah thei jukham sava, kingolsah ho, gucha-lacha ho phata kei cha avet tup jingkei thei pao hi pachat aum lheh uvin ahi. Chuho keu hilouvin simlai chapangho kipapi naleh lop pehna kin goun kilom tah ahin sem jing uva, Cl-X, Cl-XII Excellence Award changei ahin hopdoh thei poa hin khosung simlai ho nasatah a atikhou ding katahsan in ahi. Chihna ngaissang, chihna gelkhoh kho mite ihiu hi ihamphau ve kati nom in ahi. Bible in “Min nathumop na ngai phan lang nahil chah na kisan them in chutileh nangman khonung adia chihna nanei thei ding ahi” ati.
By D.Ginkhomang Haokip
Chairman K.Salbung Welfare Committe
K.Salbung ECA church hinto doh Jubilee suong Ml.Thenkholun Kipgen (Kaobel Arts) in ahoi nathei pen leh vetlom tah a tun doh ahina tei ding a aboipi jing lai tah ahi. Ave nom hon suong phung a vet jing thei ahi. Chutoh kilhon in GJCC in jong kicheh tah a K.Salbung ECA Church in eito doh peh u ahi ti sut ding in ana phatsah taovin ahi. Jubilee suong a lut ding jat hi Rs. 70,000/- ahi.
› Jubilee Queen Contest a mopoho hetsah nadung jui in contest a pang ding ho hetding a poimo anoija bang hin ahin tahlang taovin ahi:-
(i) Kum 16 apat chunglam pangthei ding
(ii) 27/12/2013 masang ngei a min pehlut ding
(iii) Screening 28/12/2013(Sat) Khuga dam, Ngaloi, Nampi Kipun khomna Maicham (Suongpi), Perian Spring (Gelbung),etc etc… ho a nei ding
(iv) Cash Prize :- Jubilee Queen – ₹ 5000/- + Crown
1st runners up – ₹ 3000/- + Crown
2nd “ − ₹ 2000/- + Crown
Consolations Prize jong umding ahi.
(v) Min pehlut nading – Nl. Nemneilhing
Nl. Lhingbem
Nl. D.Vahboi
Ng. Nengpiu
Ng. Lhingboi
(vi) Ajao ding a lom hon min aphatcha apehlut diu ahi, apeh lut lou ujong leh ki jao sah thou thou ding u ahi.
Zin-Loupi ho thilpeh peh ding jouse gountuh suh ahitai.
(A) Suun kin goun a Zin- Loupi ho Bel khap 8 khat cheh peh ding in phatsah ahi taove.
(B) Jaan kin goun a Zin-Loupi teni Saipikhup khat cheh peh ding in phatsah ahitai. Amopo ding in GJCC treasurer nganse na ana nei taovin ahi.
› Stage Banner akilom thei pen a semding in Publicity Sub-Commtt. Ho nganse na ana nei taovin ahi.
› Jubilee suong decoration10th January jingkah leh ahoi theipen a bol ding in anoija nungah hohi lhendoh ahitai-
Ng. Nengpi, Ng.Lhingboi, Ng.Martha, Ng.Kkim Kipgen, Gl.Ginkhopao.
› Zin-Loupi ho Badge semding anoija nungah hohi lhendoh ana hi taove – Ng. Hevei, Ng.Tinkhonei, Ng.Nemjalhei, Ng.Lhingjahat A, Ng.Lhaikhohoi, Ng.Nengpi, Ng.Lhingboi, Ng.Neithem, Ng.Phaneineng,Ng.S.K. Neonu, Ng.Hetin, Ng.Kimneo.
› Jubilee suong mun a pengkul mut ding in Kholmun vangkho akon Upa Paokhojang leh Pa Ngamsoun tep ding in ana phatsah taove. Mo ana po ding in Publicity Sub-commtt. ho nganse ahiuve.
› Zin-Loupi ho neh leh chah bol lhacha ding in Mn.Hemkhpao,Mn.Letthong,Mn.S.Paosei,Mn.Ngamjalet, Mn.Thongneo nganse ana hitaove
› Jubilee Dahpi suong phung a pu-ding Mn.Letjangam leh Gl.Ginkhomang in nampon pheichom, delkop akivon lhon ding in thulhuh na ananei taove. Ana gongtoh ding in Nl.T.Nemneilhing nganse ahitai.
Editorial…!
Tukum ithupiu ‘Phatthei Konna ding nahi’(Genesis 12:2) hi sermon tampi ijah tah diu, ina sim doh tah diu tahsan aum e ahinlah tunin athah beh a igah ngaito khom diu deisah aum e. Hiche toh kisai chun ipansat nadiu vin Abraham Maicham hi ana veuhite.
Vannoiya thungai lah asang pen loitah hita dia tahsan um Abraham in Pathen thu kam khat jeng jong ana nielkal lou chu ahi. Pathen in Abraham koma phatthei kaboh ding nahi tin athun veitampi ana sei jongle asouh nu Hagar toh Ismael ahin tilou aji tah tah Sarah toh asoun achilhah ding hung umthei nading um hih hel jong leh vai khonung hi jongleh Pathen in akitepna ahin geldoh kit in Issac chu an ape lhon e. Hiche hin avetsah chu tahsan hi muthei lou ahin ahinlah aum monge ti avetsah e (Heb. 11:1).
Tunia eihon hiche Abraham maicham akon a ilah doh nom u deisah tamtah umjong leh eiho phatthei ichan nadiuva point ni(2) igah la doh nom ui:-
(i) Pathen thu chu imacha phun noi lou a ngaipa hi phatthei na ahije. Thunun louna hi chonset ahin thunun nahi Pathen jabol na chuleh lolhin na thuguh chu ahi.
(ii) Abraham chun alungset tah achapa Isaac chung a chun Pathen tha peh ding in akhut ana kih poi. Pathen adia it ima neilou a khut kih lou a thil bol ngam chuleh peh doh jeng hi ichan a loupi a pha hitam? Pathen adia tahsan kiti leh pehdoh kiti hi risk lah ngam angai in ahi ajehchu Pathen chun ithilpeh u (quantity) sang chun ilhungthim joh adei ahi joi ajeh chu “Lungphatmpo pump um leh pehlou a phamo tia pelou vin nalunggut bang tah cheh un piuvin, ijeh inem iti leh lunglhei sel a pe achu Pathen in angai lui” (II Corinth 9:7).
Hijeh chun sopite Pathen phatthei boh ichan thei diuvin Pathen a ding a ngol angai in, chuleh ibolthei najouse, I chih na jouse, I seithei najouse chuleh kukal tah a pan angai e.
JUBILEE NEWS contd…
› Mipi nehkhom na ding ija kai gontoh ahitai- (A) Sa- (i) Sel khat (ii) Bong khat (iii) Vohcha khat 9th January(Thursday) khosung a mipa jousen sa sem na anei diu ahi.
(B) Bu leh Me Mess sub commtt. hon an gon tuh diu ahi.
(C) Thingti ding DI truck khat a Pu T.Jamkholun mopoh nanoija ahin kailut diu ahi.
(D) Twi a mopo ding in Pu Letkhopao leh Pu Janggin nganse ahi lhon tai
(E) Ann chang supply leh atheng cho ding Pu T.Sijathang leh Pu Paojangam nganse ahitai.
(F) Adang angai cha jouse Finance leh Mess sub commtt. ho mopoh na hiding ahi.
› Hall akilom theipen a sah ding tohgon ahitoh kilhon in –
(i) State Kut Level stage design sem ding
(ii) Touna W/M te plastic chair, H/B bench lui ho toh KSYC bench ho thum ding
(iii) Karnet-Shamyna KSYC aleh Army ho a Fld. Major D.T. Haokip lamkai na a thum ding
(iv) Hall sahna ijakai a physical arrangement covenor leh KSYC ho mopoh na hi ding
Nahet tah em?
*Golden Jubilee Theme hi Pu. D.Lalboi in English Bible Psalm akon ahin lah doh ahin Pu. D.Mangneo in eipaova ahin ledoh ahi.
› Songs and Drama sub commtt. thulhuh ho…
(i) 24/12/13 masang ngei a Talent show chuleh item jat chom chom bol nom hon S D ho kom a min ahin peh lut diu apelou ho anikho a phat kipe lou ding
(ii) Jubilee la choi na a laa sem jousen commtt kom a peh lut cheh ding(iii).Jubilee la choina (LAPI) suong mun leh hall a EYF ten asah diu
(iii) Laam kijil jouse commtt. hetpeh na a V/A House haosa te inn mun a jil ding, ave sui ding Gl.Letthenlal, Nl.T.Nemneilhing leh Mn.T.Samuel
(iv) Jubilee artistes ho photchet hi tao
(v) 23/12/13 masang ngei a cultural dance, cheorography, bamboo dance a pangnom hon S D Secy. Kom a min pehlut cheh ding.
(vi) S D ho hetpeh tei lou in koiman laam jil bold a hen.
KHOSUNG THUSOH
VENGCHUNG
Ml.Helkholen JCO Sap Shillong mun akon Christmas mangdin khosung ahung vailhung taiMl.Lunsei leh ainsung mite Aizawl khopi akon in Jesupen lom ding in in ahung vailhung taove. (Family ahinah leh phone kichol jep nalou ding ham???)Gl.Shonkhothang @ Thangneo Lecturer Army Public School Shillong EYF Icon mang ding leh Jesu pen liem ding in khosung ahung vailhung tai.(Thu kija dan in mi ijat hamkhat aboitai)Gl.Letminjoy,Gl.Thongjathang,Gl.Kamkhomang,Gl.Kamminlun abonchaovin Delhi tolpi akon damsellin khosung ahung vailhung taove.VENGLAI
17/12/13 Ml. Thenlal leh a inneipi Nl.Mercy’n Chanu melhoitah Sielmat Christian Hosp. a ananei lhon tai.(iti hitam Ml.Thenlal jong anem deh jeng eeeee…!!)22/12/19 Ml.Jangmang @ James leh a inneipi Nl.Lucy’n Chapa melhoi tah Nazareth Nursing Home mun a ananei lhon tai. Ml.Paojahao leh Miss Evergreen Ng.Chinneilhing Digboi Assam apat khosung ahung vailhung lhon tai.Gl.Robert @ Bertpu Rajasthan apat angaicheng kom hin jon in khosung ahung vailhiung tai.Gl.Ginlungmon,Gl.Paominlen,Gl.Japhet,Gl.Demmang,Ng.Lhingpichong Delhi leh Shillong topi akon inn ahung vailhung taove.Ml.Letkhogin UAE apat in damin khosung ahung vailhung tai.Gl.Paominthang @Jangpu AUS akon inn ahung vailhung kit taiVENGNOI
KSYC Prez Pu. Nehthang in Car hoitah SWIFT Dzire Vxi ana lam doh tai. (Khut langkham Imphal muna KSYC Secy.pa Naosen melthah pui nan aga nei je ti tulhut akimui. )Gl.Nehlenlal Delhi tolpi akon lunghel tah a Facebook a mao lele chu kipah tah in khosung ahung vailhung tai. Chutoh kilhon in atohkhmpi J/A Board leh EYF lamkai hon ama aliem nan jaan nkhovah dehdeh in na atoh pi taove.(kinep na bang a free joiulou di dan ahi bouve!)Pu.Thangkhohao leh insungmite(Rosy te) Kumhei mang din akho lui u Ukhrul lam jon in ana kal song doh taove.Pu.Paolen Chongloi leh ainneipi Hechin inthah ‘Paradise Home’ tia kihe (Ta Mangi te inlui) a inchen louchen boipi ding in ana kichon lut lhon tai.(Thu kija dan in aumna lui lhon chu FULL OCCUPIED vah ding hitaleh kilom in akihei…)Christmas leh Newyear Prog. hop doh ana hitai.EYF Annual meet,5th Icon leh Advent X-Mas Kholmun leh Lajangphai EYF toh lolhingtah in ana kimang chai tai. Jin Loupi in Ml.Nehkhohao Hb.Secy. Kholmun ECA leh Pu D.Khaiminlen Ch. Eyf Lajangphai ana pang lhon in ahi. EYF Kholmun leh Lajangphai akon’in vahchoila sahna ngaitah tah jong ana um in ahi. EYF pumpin Vohcha pum 1 in ankong ana sohkhom uvin ahi.EYF KPA Annual Assembly S.Haijang ECA mun’ah EYF lamkai ho ana kalsong uvin ahi.Jubilee Countdown 39 days to go
LUNG-OI JENG LOUDING/ MANO JINGDING
Mi seiphat le pachatna chan hi thil phatah ahinai, hinlah eima kigel dan toh akibah loule pan nabei ahi
Leiset a mihem jouse jatchom cheh ihiuvin, eima iki gelna tobang a minjong ina gel jilou, eiman mi igel na tobang chu midang jong ana hikit jilou hijeh chun mi abang khat igel-sang jiuvin, abang khat igel niem kitji tauvin ahi. Kasei nompen chu Khosung Golden Jubilee mangding ihi tauvin, khosung a khantouna leh lolhinna sang tah2 jong inei tauvin, miho pachat najong ichan diu tahsan aum in ahi.
Kahin dohnom chu; hiche minphatna, seiphatna hochu ilung mounpi, iki thang aatpi uva kichai jeng ding ham? Hichan chan dinmun igei uva, miho pachat ichan uchu apha lhehnan, hijongleh khosung mipi jouse iki gelnao toh kitoh hinam? tijong ina ngaito diuvin kadeije. Keima geldan in mi pachat na mai2 a lung oi jengvang khansuh naleh ahomkeu kilet sahna bep hung hikha ding in kaging chai.
Chepi dia kadei chu, min iti igel em ti aha poimo pon, eima joh in ilung a apha chamkim chu idel jing uva khantou nadia pan ilah jing ding uvin kadei je. Ajeh chu mi-dia midang aki hechen louho tobang ihiuvin, eihin mudan uchu eima ho hina toh ana kibang chet lou maithei ahi.
Alangkhat a kigel neo leh ei-le-ei ki musit behseh jonghi thilpha ahikit poi. Ima louva ikigel behseh leh ibol dohthei dileh ijo ding thilkhat tahbah jong ahi theilou bangin aum jin ahi. Chukit leh eima ikigel sang behseh kitleh aphachom dileh khantou nadi tamtah aki mudoh bekit jipon, adehseta simlai aki hetsah leh aki thepsah behseh leh ima ahetbe theiji tapon hichun simlai hinaa hetding dol tamtah adaltan jitan ahi. Gollui mihon eima iki seiphatleh sakhi ngelpeng a ima abehpoi tijong asei kit uve. Hiche jeh hin kigel niem behseh leh kigel sang behseh jonghi ani gela lhahsamna hithei ahi.
Hiche jehchun alhasam behseh ajong kigel louding, ahithei behseh ajong kigel louding hi phading ham tin kagele. Achunga thugol kisei banga vangphat umtah a; mi pachat na ichan leh, eima kigel natoh kitoh hinam ti vetlhah angaijin eima iki gelsang khah jongleh ihina chamkim nam tijong velha ji leuhen phading ham tin kagele. Bible a Proverb sung in asei bang in Khutmuh umthim louvin mi ahou sahjin, khutmuh kao louva umchun mi avaichat sahjie hijeh chun panlah jinghi khantouna ahin achamkim a kigela lung-oisel hi khan suhna hithei ahi.
(By: Jangminthang @ Kavie a.k.a Ramuji)
KHOSUNG NEWS:
Pu Doulen Thomsong Welfare Commtt. thah lihleh Henglep gamkai boulna vangkholui villha dingleh inchen louchen khantou nading gelnan anavaikon doh tai.(Phone mang nalai bang kachi ta d ei!!!! ) Gl.Letminlal@ Lalboi Bangaluru dalhan san heuheuvin khosung ahung vailhung kit tai. Ng.Lhingjahat @Lhingcha Touthang Khosung dalhalel sasa a phatchom khat Pune a anavai kon doh chu lunggel thuh tah nei pumin khosung ahung vailhung kit tai. Mahajon Paozangam in Pucca Fencing loupitah ana bolchu ajoutheng tan ahi.(Gate kihon lam mukha alhom lhehtai) Pastor Onkhomang leh ainsung mite UBS Pune, akon Kumhei mang dingin ahung vailhung taove. Ml.S.Letkhopao in Pucca Latrine anasah chu vetlomtah in asa jou tan ahi. 29/11/13(Fri) Ng,Hatneilam leh Cp.Atin Birthday EYF kaikhom na a ana kimang in ahi.(Thu kijah dan toh abah leh Ng.nu Next B’Day hi seithei ahi tapoi atiuve!!!!) Ml.Thonglet in hahsa tah a ana lamdoh a in khon(Bus Parking lhang) a Shopping Mall asah laitah ahi. Gl.Letkhotinthang @LyanBK Digboi khopi apat in ahung ki lihlut tai.(khosunga vacha aham ding melmu in aum tapoi) Ng.Mima @Doungul Chong Haokip Shillong St.Mary’sCollege apat in Kumhei mang ding in in ahung lhung tai. Pu.Dr.DS Haokip in Indan chungnung nasatah a aboipi chu joding koncha ahitai.(Field Maj. pun kainsah u ichen gei hitam tin khosung a ason deu deu agolle pai te ahin dong jing in ahi ti thuthang aki mui…) (L)T.Doulenmang IIIrd Division Memorial Trophy CDSA ho sai na noija Public Ground muna ana umchu lolhing tah in khumkha anahitai.kin kiman na achun Pu Paozangam KKL Gen.Secy Jin-Jaum in ana pangin ahi. DTS hon kumlhun themvetna ana chai utoh kilhon in Farewell Prog. thupitah in ana mang chai tauvin ahi. Kumlhun themvetna chelhajing lai ahitoh kilhon in Welfare Commtt.hon simlai curfew khosunga akoi taovin ahi. Chutoh kilhon in Asst.Comander Pu.T.Letkhomang lamkainan jaanseh intin chotna aneijing taove ti thulhut aki mui. Kumlhun Result a Pachanna neiho loppih na kinguon loupitah Welfare Comtt. ho lamkaina noija kimang kit ding ahi tin jong thulhut chun asei be in ahi. V/A, Welfare Comtt. leh Electrict consumer no. neilouho V/A House a toukhomna ananei uvin, Nov.13 apat lhaseha ₹200/- electric fee asun tah diuvin kilolna ana nei taove. Welfare Commtt. in Houbung ho kitho pi najal in Chunglang Veng Electrict Transformer koina fencing anapan taovin ahi. Nl.Gemini Gangte Doungul w/o Ml. Thang Doungul@BT phat ache che toh kilhonin Amway Product i.e, Protien,Cal Mag D, Iron Folic ect.ect. nasa tah in aboipi tai ti thuthut kinga ta chueJUBILEE NEWS
Ml. Thenkholun in Khosung Golden Jubilee Soung khengpan ta
Jubilee Queen Contest Prize anoija bang hin guon ahitai:
(i) Miss Jubilee ₹ 5000/- a housa be ding. Pi.Vahboi in ahin to doh ding.
(ii) 1st Runners’up ₹ 3000/- Housa be ding Pi.Ngairemi’n ahin to doh ding.
(iii) 2nd Runners’up ₹ 2000/- Housa be ding Pi.Titing in ahin to doh ding ahi.
Amopo ding in Nl.Lhingbem,Nl.T.Nemneilhing,Ng.Nengpi leh Ng.Lhingboi
Jubilee suong ECA Church K.Salbung in a sponsore ding ahi.Amopo ding Dr.DSHaokip, Pu.T.Seijathang,Pu.Nehthang,Pu.Thenlal ahiuve. . Ml. Thenkholun in a boipi jing lai tah ahi.
Gl.Nehtinthang@Kabir a.k.a. Nehku Souvenir Sub-Commtt. a panmun poitah tuh dingin lahlut anahitai. Chutoh kilhon in aman jong gelkhoh na neitah in Agartala Flight ticket cancel leuvin V/A House a Souvenir aboipi jing laitah ahi.
Jubilee ann kong sokhom na ding ahin khosung numei gampam a ana jinei doh hojouse TUCHA hiding ahiuve.
Jubilee Lapi Nungah gollhang ijat ham khat in Pu.Paozangam inmun a ajilpan taove ti thulhut akimui.Thu kija danin Pu.Paozangam ama tah injong Voice Test abolbol tai akitin Lapi hi theineitah hunghi tei ding ginchat aumin ahi.
Songs Drama ho lamkaina noija Artistes kiphotchet ho chu (1) Ms.Ngaineilhing (2) Ms.Lamneilhing (3). Ms.Nemy (4).Ml. Lenchung (5) Ml.Janglal Khongsai (6). Benny Khongsai (7) Ms. Vahneihat (8). Ml.Love Joy Baite (9). Kamboi Baite.Chuleh amaho dept.noija Choreography incharge dingin Ng. Chinneineng (Boinu) leh Gl.Paominthang nganse ahilhontai.
Jubilee prog. Jin-Loupi ding ho anoija bang hin photchet ahitai:
(i). Pu.Ngamthang Haokip Hon’ble Minister IFCD Govt.Press
(ii).Pu.T.N.Haokip Hon’ble M.L.A. 59 Saikot.
(iii).Pu.D.Khaipao Haokip Hon’ble M.D.C. 13 Kholmun
(iv).Pu.D.Letkam Haokip Chief of Kholmun
Jaan Phat ading:
(i).Pu.Demmang Haokip Hon’ble Vice-Chairman ADCC
(ii).Pu.Ginzasuan, DSO CCpur.
Jubilee Prog. Imphal muna vethoitah in GJCC Secy. Pu.DK Thangboi in ahin tatdoh tai.
Jubilee Souvenir K.Salbung Founder (L) D.Letkhoneh Haokip mina achapa Pu.DP Haokip in a sponsore ding ahitai.
Jubilee Mess incharge leh Treasurer ding Pu Paojangam leh Pu Nehthang lhendoh ahi lhontai.(Pu D. Thenlal Jt. Secy. GJCC chun (L) T. Hemkhothang boikah a akhel ahi)
Jubilee Lapi semchai ahi toh kilhon in khosung a nungah gollhang lasa them cheh hon Studio a ahin khum diuvin tohguon aumtai. Hiche Lapi hi Nipi nileh Live a asah diu Choreography hoitah a kibol ding ahi.
Jubilee kin kiman sung a daan leh thupeh Welfare Commtt. in ahinvet sui ding u ahi.
Publicity Sub-Comtt. in Teddim Road Crossing a Banner “Come One Come All” ti thupi mangcha a vetlom tah khat Dec.1st week sung ngeija tahdoh ding toh guon anei taove.
Publishers desk…!
…Chujongleh mi-ngolpa chu Miching ho lhacha pangding ahi. – Bible
Khosung simlai ho kumlhun themvetna achelhah jing toh kilhon in, inson tobang a lekhasim awthong gin akijan lunglhai aumlheh jeng’in ahi. Thepna chihna holgil nakhang ahitan, simlai lekha simlou lekhasim thase hohin phat chom khat jouleh ka leh mao na hinkho ahin mandiu tahsan aum in ahi.
Khosung a simlai chapang lekhasim hon kumkhat sung a mikhat in isuhlut u sum le pai anoija kitah lang hohi lunggel thuhtah neipum in ana veu hite.
(Ihet themthei nadiuvin Simlai chapang numei 1 lhangpi expenditure veu hite):
S/ No.ParticularsQuantityT/Amount 1Adm. Fee 1 ₹ 2000 2Books ₹ 1500 3Bag 1 ₹ 400 4Ribbon 1 ₹ 10 5Belt 1 ₹ 50 6Tie 1 ₹ 50 7Sports Shirt 2 ₹ 500 8Sweater 2 ₹ 500 9Socks 2 ₹ 100 10Skirts 2 ₹ 500 11Shoes 2 ₹ 400 12Tuition Fee12mnths ₹ 6600 13School Van12mnths ₹ 6600 Grand Total = ₹ 17210(Private Tuition leh Pocket money jaotha nailou ahi)
Lekhasim hon Nu leh Pa lunglhai nakham a isim doh u hinam? Tu tuhin Manipur ah lekhathem tohna neilou 7 lakhs lhingdeh, India pumpi ah 10.8 millions alhingtai. Lekhasim hon simtih tah mong mong a sim phat ahitai. Loukon, loulho, thingpoh, bol lou khonung leh kivahna a neiding kiti chu thil hahsa tah ahi. Hiche jeh chun phat kilem chang inei pet uhin bolthei chan bol u hitin lung nachim in lungdei kham boldohgou hite. Lekhasim hon hasim sim in sim u hite. Apontho ho ding’a achung a kitah lang sum leh pai kisu lut hohi nikho thakhat ajong imu thei u ahi. Mingol ho Miching ho lhacha a pangding ahi tihi sumil pou hite.
NRK NEWS (Non Residential K.Salbungites):
Dr Letkhojam Haokip, Asst. Prof. GU, Mizo Historical Society paper lading in Kulikawn, Aizawl khopi alhungtai. Nl. Lhaineichong @ Chongboi JAO,BSNL w/o L.K Haokip, DC CISF India khopi len mun nop tahtah ho a posting sang in gamning chuong AGARTALA muna kipah tah leh meseuseuva kumkhat sunga din anakal suong tai. (Ipi ati leh Agartala mun ahiti tup ahi ta dem???) Pu.D.L.Haokip Jr.Enggr. Lumding atohkhompi P.Guite N.Lamka thiluong ahin kilhonpin thivui jouvin aumnalang anaki nungle kit tai. Dr.J.Lamboi Scotland apat KCLF Conclave a Paper la dingin ahung kal suong in ana kinung le tai ti thulhut ana kimun ahi.ASEI KIT TALEU LEU UVE…(KSC/Profile status update):
§ Mimin D Haokip :- Autumn $pecial :Comment :
Doungul Lunkhosei – aki lomlheh bou uve…Ngamkhogin Haokip – Wah2…aki im2…akisel2…iii. Mimin D Haokip – Robert na unu diu hi hahaha @DGyn Nang a nu jong hint ah doh jeng tang oiv. D. Gyn Haokip – Bai, alou theilou phat johleh o tu a vang chu aphal pouve jahcha kisa nalai dan u ahi e.§ D. Nehpu Haokip :- Ipi iti hitam? 1 beh in neihin seipeh theilou diu ham?Comment :
I. Mangneo Haokip – Adam dam nai…!!!II. Lun Carrey Kilong – Athah lih khat tou um hitah ta!III. D. Nehpu Haokip – Kalung gel kika lah2 sah hih uvo…M.Songgel ECA Church KCLF Khoppi a, K.Salbung EYF ho lasah pet
≠ 5th EYF IconAnnual Meet-cum-Advent Christmas Kholmun leh Lajangphain EYF teni toh mankhom nading 15th Dec.13 Prog.semchai leh hopdoh anahi tai. Hiche kin a Jin-Guun ding Pu.D.Nehkhohao Haokip Hb. Secy.Kholmun ECA, Jin-Ja-um Pu.D.Khaiminlen Chairman EYF Lajangphai hilhon ding ahi tin Gl.Mimin D Haokip Secy.Eyf akon thulhut akimui.Thulhut chun aseibe na ah Advent Christmas ahi Khotin Eyf akon Spl.No. 2cheh kikou ding ahi ati. Icon Finalist hon nipi nileh Lapi teni lot alah diu alah doh penpen suna asah diu khatpa nilhah leh asah diu ahi.
≠ Pilhing leh Union Sunday School Final examination lolhing tah in chai ana hitai. Pilhing Competitive exam. Kingkin, Lajangphai, Salbung in eiho Hou-Inn centre ah ana bol uvin ahi. Union Sunday School result Beginner i Junior iii result sodoh ana hitai.
≠ Ng. Lhing Mary Hb. Daan a Upa Khaimang Ch. MED in lahlutna kin ana neitai.
≠ Hb. Hopsom chaang 12 Dec. nikho leh Hou-Inn mun a, Pot 1 a ₹ 650 a hoppat ding in Fin. Secy. Ml.Thonglet akon hetsahna akimun ahi.
≠ Area EYF Silver Jubilee Fund nikho tha khat ₹ 100 EYF Baptistma chunglam sen akin theilam pen’a, amopo lamkai hokom a peh cheh ding’in Secy. EYF in ahin hetsah e.
≠ 24/11/13 Kuki Christian Leaders Fellowship Conclave M.Songgel muna EYF te vahchoi lasa’n ana kalsonguve.
≠ 26/11/13 Christmas ading Changpol pohna EYF nungah gollhang tomngaiho lamkainan ana neitaove.
CHRISTMAS LIEMNA NOV. SUNG’A DAVID STAR KHAIDOH HO:
S/ No. MINTAHDOH NIKHO 1Pu. Lamminmang18th November 2Pu. L.L. Haokip19th November 3Ng. Deborah Cp. Thangminlun22nd November 4Pu. T.Seijathang Pi. Nengjalhing23rd November 5Cp. Jangmalsomthang25th November 6Gl. Paoginsang26th November 7Cp. Ngamgoulun Cp. Lalthensang27th November 8Cp. Kamhaolal28th November 9Cp. Sonia Cp. Lalgougin29th November10Cp.ManglemCp.Albert30th NovemberHETSAH NA KHOH:
→Souviner a ding Obituary (50 words),limlah leh ₹500/- penailou, penom hon agang thei penna Convenor Pu.Lalboi kom’a 10th Dec. masang ngeija nahin pehcheh diuvin hetsah nahiu ve. Khosung toh kisai limlui (old photos) neihon Souvenir ading ape theichanin peu hite tin Gl.Nehtinthang@Nehku a.k.a.Kabir Souvenir mopo in hetsah na ahin pe in ahi.
→Jubilee Fund contribution 15% tobang bou dondoh nah lai ahijeh in a penailou hon avaima thei penna pekim cheh ding in Sub-Comtt Fin.Secy Pu.Paojangam in hetsah na ahin neije.
ASEI KIT TAOVE……
*Jubilee nikholeh “Gollhan Lai” ti la sah kal kangah lel e…..!!! – F/Maj.Thonggoulen *Jubilee Nikho leh ipi Sa Sa hon ding atiu bahei? tui tah in kijep leh pha nah tah. – Anonymous
*Jubilee Nite nikho jong leh Sum the ngaikit ding ahin, Bank a Salbung gollhang hon ni hung kilhon piu ngaiveh ta! – Mahajon …?
*Me-hon ding dan nanah-nah chu koi ma cha ka chung a che ding na um pouve!- Pu.Paozangam Mess-Incharge.
*Jubilee nikho a nungah chapang langse chu ken vekol taveh tang.-Gl.LKilong. *Jubilee Nite phat leh ana veuvo KSYC Silver Nite sanga FUHJO ding ahi e. – Ng.Kkim KSYC Star, Dstbin Actress.
*Jubilee nikho leh aki pui lut jou na de o!-Kavie@Ramuji *Jubilee anop thei pen in kimangleh pha nah ta.-Garry Kamgoumang
Nahet tah em?
1993 kum a khosung inmun plot 1 (4080 ft) ₹ 3,000 ana manchu, 2013 (kum 20 jou) a ₹ 3 Lakhs manjou ahitai. (Compound annual growth rate hi 25.89 % ahi jouve, ₹3000 bank fixed deposit 10% kum 20 sunga ₹40000 bou ahi). Khosung a Hotel ana bol masapen chu Pi Diana w/o Pu Jamesbond ana hi.Jubilee Countdown 60 days to go…
JUBILEE MANGHOI A KAHET
KSYC Silver Jubilee kiman nia Cultural Troope loi khat
K.Salbung Youth Club (KSYC) 1988 -2013 Silver Jubilee hi Haosa, Upa, chuleh khosung mipite kithang at pithei tah ahi naban ah maban hung lamkai toupeh hoding ajong kitil khou nathei leh machalna ahi ding tahsan aum in ahi. Geuchao tah a hung kiphut doh KSYC Haosa, Upan ana tosot peh uvin hetthei khat chu Haosapu Pu DT Haokip in ngailut najal a registration leh KSYC Sports Championship (KSYC lolhinna masapen) Bongkhat cheh a Pathen thangvahna ana bol in ahi. Thuchih tampin lolhinna ding in foundation ahoi angaije ati ma bangchun eiho KSYC jong akipatna ahoijin Jubilee loupitah a mangding lomchu ahinai.
KSYC lamkai masahon jong khosung adia thilpha tamtah ana tongdoh uvin pachat aumlheh uve;
(i). Founder ho Pu Paojahao Chairman leh Pu (L) Thangkholun ho lamkai nan KYC sports meet overall Championship leh registration.
(ii). Pu D.Shonkhojang, Pu T.Hemkhothang leh Pu Khaitinthang ho lamkai nan 1st Olympic leh KSYC benches.
(iii). Pu T.Seijathang leh Pu Paojangam lamkai nan Ccpur nen paina chondoh ahin, langva, condolence stand (signboard), NCYCF Championship.
(iv). Pu Thangboi leh Pu T. Kaiminlun lamkai nan Trolley, KSYC plot leh office.
(v). Tu le tua Pu Thangboi leh Pu Thenlal lamkaina noijah thilpha tampi aboldoh uvin Silver Jubilee loupitah in imang taove (kahet kham kham kahin tahlang ahi bouve)
KSYC hi aki bulphuna ahoijin Jubilee mangtah ihiu photchetnan Jubilee soungdo leh kin loupitah imang uvin hetthei khatchu semthalou prog. (night prog.) thupitah in imang uvin ahi. Hiche hin khosung mipi kilungto naleh kilung khatna atahlang in ahi. Hichan gei a khosung mipi kilungto, kipah thanom, choh jeju leh laamdil dela kipa laa isah khom uhi Jubilee mang lolhing pen ihi loudiu ham? Hiche kilungto naleh kithu khat nahin Khopi Golden Jubilee lolhinding avetsahe kati nome.
(By: D.Ginkhomang Haokip Former Jt./Secy. KSYC)
KHOSUNG NEWS:
Ng. Nengchin tahsa damlou Sielmat Hospital a ana kijenchu tuhin damna lam manon inn ahunglhung tai. ECA W/M in Ng. Nemjalhai EYF Fin. Secy. chu Evan/Promotor panmun adin ana la taove.(kingaito phat vang ahitai na?) Pu Chongkholun phat sottah damlou Imphal Shija Hosptl. muna ana kijen chu damna malam no’n khosung ahung vailhung kittai. Manipur Police Ng. Tingneihat injong training achai tolhon in Ccpur SP office a posting ahitai. Ml.Samuel leh a innsung miten phatthei na’inn asah amachal jing toh lhon in jo-lam mano ahitai. Ml. T. Jamkhogin in Pathen phatheiboh najal in gou manlu tah Tata Magic thah khat ana lamdoh tai. Ml. Solomon (Gracy Pa) building loupitah asah chu ajoding koncha ahitai. Chavang ahunglhun toh kilhon in Ml. Lamtinthang a.k.a BT leh a-inn neipi Nl. Gemini Doungul Gangte kilung toh tah in nga-man din avai kondoh jingkei lhonta chu’e… Pu Khatkhopao tahsa dammo jeh in Imphal’a kijen ding in ana kalsoung tai. Gl. Ginkhopao in ITBP (GD) adin lolhina ana neitai. Gl. Jangminthang a.k.a Kavie @ Ramu’n SSA Upper Primary Oija ana mutai.(application form kihom hitaleh kilom in thuthang akijai) 5th Nov. KSYC SILVER JUBILEE kinguon loupitah manchai anahitai. 18th Oct. Ml.T.Hemkhothang GJCC Treasurer-cum-Mess Convenor in aji acha leh angaicheng dalhan Pa kom a anachol do tai Gl.LKilong in athah leihlih ho pohle nadin Enticer sanpempum khat ahin tollut kit tai Pu Letkhomang @ Stony’n ainmuna Variety Store lentah khat Bazar Rate a pehthei din khosung mipi ngailut najalin anahongdoh tai.KHOSUNG A NAOSEN MELTHAH
√ Pa Thangtinpao leh Nu Lancy’n chapa melhoitah ana neilhontai.
√ Nu Hoineikim d/o Pu Thongjang @ ST Jangboi in chanu melphatah ananeitai.(a ute i-um uleh kingai tothei vang ahitai, naa?)
√ Pa Lamkhosei @ Seipuli leh Nu Neinu’n chapa @ Lunneo anei taove.
√ Pa Khaiminthang @ Mark leh Nu Lalkim @ Ruby’n chanu pahsilsel anei lhontai.
NRK (Non-Residential K.Salbungiets)NEWS
Dr.D.Letkhojam (Asst. prof Ghty University) phatchom khat khosung vil ding leh Kuki Kibom tohgon na noija ‘Kuki Nationalism ‘ Seminar paper ahung neijou vin aum na mun dam in lhung tai.Pu DP.Haokip (IRS Commisoner Income Taxes ) Mumbai a kon veteran hotoh Football kichem dia hung kon chu lolhing tah in a ki nung le tai.Pu D.L.Haokip (Jr.Engg Railways) leh a insung mite phatchom khat Chavang Huilhi don a hung chu dam in a um na mun alhung kit tauve.Nl Titing W/o Lienpu (Office Suptd.Income Taxes) phat chom khat Ghty. muna Training che chu damsel in atoh na mun alo kit tai.(Training aum sot leh Ml.Lienpu’n laa khat ahin semdoh khong khong ding ginchat aum lheh e!)Gl Nehtinthang @Kabir a.k.a. Nehku(Admn.KSC) Patchon loujao Band Siel Ki Drummer(EimiCotton field) Rock show boldia hung chu aum namun Agartala jonding koncha ahitai.Gl. Paominthang EimiCotton field (Patchon loujao Band lead vocalist) Assam University,Silchar munna Ph D simlai Rock show boldia hung chu lolhing tahdan hile kilom in thu aki jai.Field Major Thonggoulen LMG longpal thethu hin dalha a private Room kisa jing lai velha a hung chu kipah tah leh lunglhai sel in aki nungle tai ti thu kija. Dr.DD Haokip IFoS Manipur Bhavan Guwahati muna posting chu khosung ahung vil jap in ana kikho mangkit tai ti thulhut akimui.JUBILEE NEWS
≠ Fin.sub-comtt. holeh GJCC hon inson chotna ana nei u vin Jubilee a ding Fund phachom thim tah khat amuve ti thu aki jai.
≠ Souvenir sub-comtt. Lamkai na noija Souvenir nasa tah a aboipi jing laitah u ahi.
≠ Jubilee suong atun na di mun a tollut ahi toh ki lhon in Ml. Thenkholun in ahoithei penna khet na ding abuipi jing laitah ahi.
≠ Songs Drama sub-comtt. honjong Jubilee nopna ding leh lolhin nading nasatah a abuipi jing laitah u ahi.
≠ GJCC hon Pu D.K.Thangboi Secy. pa in mun’a ann kong so khom na leh Jubilee Prog.lolhin na ding seikhom na ana nei uvin ahi.
≠ Jubilee ann kong sokhom na dia Gan lamkai ding Siel (Mithun) vet lhingset khat holding in haosa pu’n mun tin ah thu ape tai ti akijai.
≠ KSYC Dustbin party holeh Patchon Loujao (Cotton field Band) hojong nasatah in aki gong uvin Rehearsal anei nei tau ve. Dustbin Actress nu’n jong V.K.Tawna mall sung ah tahsan thei dom ho kom’ah aguh in lesson aki lah e ti thulhut aki mui. chuleh Patchon loujao band member Gl.LKilong injong La-note choiding dan nasatah ajil laitah ahi tin thulhut chun aseije.
≠ Jubilee prog. semchai ahi toh kilhon in GJCC leh VA hon vetchil naleh phatsahna ana nei taove.
≠ Jubilee prog. KSYC complex a manding in phatsah ahitai. Hou-Inn compound a Jubilee ankoung sokhomna umding ahi.
≠ Sound system ahoithei pen manding in phatsah ahitai.
≠ Jubilee laapi modern khat leh Goul-lui/lakawi laa khat bol a choreography hoitah boldin phatsah ahitai.
EYF ICON SCREENING, 2013
Samsung Laptop leh Printer hoitah khat Houbung in EYF te ana choh peh taove. 2nd Oct: EYF 2013 project English worship service anivei channa Gl.Jangminthang speaker hi nan lolhing tah in ana ki chaitai. 20th Oct.: 5th EYF Icon Audition leh icon laa pi EYF chairman in hon doh na ana neitai. Ng.Nemjalhai EYF F/s ECA W/M Dept. nuija Evan/ Promotor tohmun ana mutai.1st Nov.: KPA EYF tohgon na nuijah khotin khanglai kivil tona 1st Nov. nikhon K.salbung EYF ten N.Boljang EYF vil na ana neijuvin Chairman EYF in ‘miching toh kivop in’ ti thupi mangchan Pathen thua khanglaite anatil khouvin ahi . 8th Nov.(Fri) nikhon N.Boljang EYF in Salbung EYF ahung kikhop pi kit uvin ahi. 2013 EYF Icon Screening 2nd round ana chelha tai.13,14 Dec.nikho leh 3rd,4th round um ding ahi tai laa ama deilhen hiding, 5th round lhung hon 15th Dec. nipini sun phat leh icon laapi ‘KAHINNA PAKAI’ Pu.Lalboi sem asah diu nilhah leh Laapi No.2 ‘VAHCHOI DIA LOM’ Pu.T.Jamkholun sem asah diu ahi. MED tohgon na nuija Crusade Cum Revival Programme chu Evn.Tongminthang speaker hinan lolhing tah in ana kimang chai in ,Houbung sung a halna thah ahung umbe cheh ding jong kinep ahi.Finance langho lamkai na’n Hou-Inn nunglang barb-wire ana kikai in ahi. 10th Nov.Sunday school union final exam Beg I-Jr.III leh Music Class Hou-in mun a abol diu ,Intermediate,Senior,Youth hon Happy Hearth School Bethel munna abol diu ahitai. Chavang-Phalbi ahung nai tah toh kilhon in kaikhom phat semthah ahitai: Sunday jingkal-6am,vaikaikhom-10am,Nilhah kaikhom-4:30pm MED,EYF Kaikhom-5pm.HOU-IN A NAO KIPUITHAH HO:
1) D. Kaiminhao S/o Dongminlen
2) Paolalsom S/o Thangtinpao
3) Hoineivah D/o Khaiminthang
I got it all wrong: Once upon a time in Salbung
Koiman gollhang a isim lou laitah u, ahivanga koima hetpeh louva aki ki gollhan sahlai tah; “pakhangsaba akitho laitah chun Beri chep chep gollhang ahi, Khaini mom mom nungah ahi kiti laa achul kuon ana hitan ahin 60s lai a Beatles ten hippies culture ana minche sah u tobang chun hiche laa chun til-poh til lai lungthim chu ichan gei ham khat in influence eina bol uvin ahi. Mantu beri (Meilhei pao aw kai a biri; kolpaova bidi ) bong kana loh ji uvin hiche ho chu naangbom (bushes) lah a guhthim in nasatah in koima bol louvin achep je dan kana kithem chuh ji uvin ahi. Keichu kachep petleh akhut (coughing) in kana khu jin ahile ka lamkaipao Baraku chun eina sinmo lheh ji e.
Phatchom khat jou chun hiche lai a kid ho chu keima ho le keima ho kahung kihui tup uvin independent tah in kahung kipo taove. Shaktin eina lamkai uvin ahi.
Lamkai akikhel tah vang chun Baraku lamkaina noija chaloh dan (modus operandi) chu kahin mangcha toupeh un, kho ahung jin jin le hotel/ dukan adeh a (L) James Bond inn-mai a MLA pu dukan/ hotel ( Ng Nengneikim sen lai) mai achun ken duty kana po jin ahi. Kaloi dang hon dukan/ hotel dang a duty anapo ji uve. Mipa hotel a tou Prime Minister pa lo (salary) thu sei a houlim el-tah bol hon beri-bong ( cigarette stub) achepmoh u apai mang ho chu fel tah in kana loh ji uve. Hiche ho chu kadong khom jiuvin Koite vadung naangbom (tua pa-po/ umtalou) lah ahiloule Hou-Inn nung naangbom lah a kana lhut khu thethu jiuvin ahi. Naang-bom lah a kachep jou teng ule mijong ama leh ama akiman e ti katho jiuvin lingna gancha honjong anehlou khu kalhai jiuvin chujoule khat le khat kam nam (breath) kaki nahpeh to jiuvin ahi. Lingna kilhai chun beri nam (odour/smell) chu asumang ji e tia kana hetdoh/kholdoh (discover) u ahi e. Tang-ngol tobang a kana ngol vang uva chu akham kham a Scientist ngen kana hi dan u ahi e. Ikam beri anam loule ikimandohlou strategy kana chepi u ahi e.
Hiche laitah chun C.C.pur Town leh akimvel khosung ho a khangdong khamthei bol ahung kiha het deo deo tan hiche jeh chun CWA (Citizens Welfare Association) ahung umdoh tan ahi. Eiho khosung ajong CWA ahung um in kahet khel loule aumtalou Pu, Thanglun in Chairman chule Pu, Paojahao in Secy ana po e. Top Secret- aguh a kachaloh nao chu CWA- Intelligence Wing hon ahin hedoh taovin hichun CWA- Central Committee ahin hetsah tai. Phat dang komle kapate hou beri (bidi) ahiloule cigarette ho jong jang (stick) khat leh ni in kana gu jiuvin ahi.
Khatvei hi CWA hon khosung a chapang beri chep se se haosate inn a ei koukhom uvin; Hichun aveovin loi/ puol 2 in ei khan taove. Beri achep pou poule khu a kisai chat deh deh pa keima tah chu senior group in kaloi mi 5 toh eikoi taove. Chapang se se chu tua Anganwadi centre akhun akoukhom masa uvin statement ala uvin chujouvin gihna (warning) anei uvin alhadoh taove. Hiche kah chun keiho senior group se se chu haosate verandah a ei umsah uvin keiho jong keima ho le keima ho kakilhamon uvin ei gih uvin tin eilhadoh taovin te katiuvin ahin kaloiho kom a kaseidoh lou vang chun kalungthim a chingnaba khat kanei tai; tiphu dot dot in keiho phat chu kangah pongsan taove.
Phat chomkhat jouvin eihin kou taovin, kalut lut uvin ahile line a eikigol sah uvin U Hemthang (a gollhan lai) in sanaibi a kisui mol in khulang kham ahin kouve, kei chu athumna a ding kahin kamasang apa ajep pet chun ken anaaa! katile kei phat ahunglhin chun hajep in eina jep lo e.
Thudohna/ statement ahin nei uvin Beri nachep em? kiti talouvin Na beri chep hi nangah thei ding ham ? Nangah theilou ding ham? tin kamasang a teni adoh ule nga thei nang e ati gel lhon in ahile nangah thei dingle ibol a nana chep ham? tin adeng taove. “Amani sei bang bang kisei le amani thoh bang banga kithoh ding ahin ilhoh manchah angai tai” katin kei phat ahung lhun chun, kichih sah tah in, Ken vang ngol thei tapong e katile double in eina kiden lo e…hahaha ( poor me!). Toka atho tho a kachen chu imacha akana tapoi.
Beri kachep diu deilouna jal chun CWA lamkai leh member ho chun gotna nasatah eina peove. Sanaibi round ijat ham ahung kiche jou chun automatic confession kabol jah jah taove. Kachon phatlouna hou chu Bible chaang naal deh a kichin pha a kisei abang jeng jung tai. Hichu Pu, D. K. Thangboi in phatechan record ana bol in ahi. Kadin vang uchun ading but jo sang koimacha ka um tapouve, hichun Beri nung chep kit talou din kihah selna (Undertaking) einei sah uvin soi (signature) jong eikaisah uvin ahi. U Mohan in athim in eina lungset bol kei uve. Hiche jou chun Chairman CWA in thukhum khana asem in kikhen go kahi taovin Pa Seithang ahung lenglut in avelin phohse den in eideng kit uve.
Apet chun kalai u ana na lheh in ahi. Ahin tu a kathah geldoh le CWA ho chun hitobang chun eina tuhgah/ jep hih leo ichan ana kilhung dem tia kagel teng, tua aki phatmo se su vang in, achung cheh uva kakipana alen lheh in ahi. Mi kichih sah pa chu ajing athai in kachena jouse/ kho lhang a min Beri chep ngol/nga theilou ding pa tin tot nopnan eina nei jiuvin ahile kathang atom na ban a kajah ana chalheh in ahi. Ahin hiche nikho a beri nung cheplou dia kakitepna chu tuni changei in kapet chah jing e.
I got it all wrong, English version available at nehtinthang.blogspot.in
By- Nehtinthang @Kabir a.k.a.Nehku
HETSAH NA KHOH:
Souviner a ding Obituary (50 words),limlah leh ₹500/- penailou, penom hon agang thei penna Convenor Pu.Lalboi kom’a nahin pehcheh diuvin hetsah nahiu ve. Jubilee Fund ading contribution penailou hon avaima thei penna pekim cheh ding in Sub-Comtt Fin.Secy Pu.Paojangam in hetsah na ahin neije. Publicity Dept. kilol na dungjuijinJ/A Editorial Board panmun lepthah na anakineijin Gl. Henkholen J/A Editor, Gl.John Haoneo Jt.Editor, Gl.Ngimry Chief Reporter, Gl.Yangfo Reporter thah ding ahitaove tin Publicity Secy. Gl.Haoneo akon hetsah ahi.OFFICE OF THE
K.SALBUNG VILLAGE WELFARE COMMITTEE
Khosung mipi hetding’a thuphon
Kum lhun Themvet na ahung nai tah toh kilhon in SIMLAI CURFEW aki koitai.Simlai chapang jaanvah, loile pai loilut,toy Gun,cracker,jukham sava akingol sah akimu leh dan dung juija action khoutah kila ding ahi.khosung mipi koiman lekhasim suboi thei ding abollou diuvin jong hetsah ahi.
Chuleh Khosung Assembly kithu lhuh dung jui’a khosung mipin Electrict fee aphatcha Welfare Commtt.khut’a ipeh cheh diuva avel a hetsah ihiuve.
Sd/- T.Jamkholun Secy. W/F Comtt.
OBITUARY:
(L)T.Hemkhothang Treasurer-Cum-Mess Convenor in tahsa damlou na jeh a ei na dalhah na chung uvah GJCC in Jubilee min in lunghem na kahin phong uve. Ama hi mipha miki tah leh hougut mi ahina ban’ah Jubilee ading in atohthei chan ana tong in ahi. Ama thanop na bang tah a Jubilee loupi tah a mangcheh ding in adalhah insungmi te leh khosung mite temna kahin neije. Adalhah a insung mite pathen in umpi jing tau hen.
Sd/- S.Hejang,Chairman GJCC.
JUBILEE NEWS (Banjom)
Songs Drama Sub-Comtt. akonin Jubilee ading Gospel singer kouding mipha bep lhen doh ahitai:
i) Lenchung ii) Ngaineilhing iii) Lamneilhing iv) Nemmy
Pop singer kouding hohi Pu Paojangam Secy. Fin. Sub.Commtt. panlah najal’in anoija hohi confirmed ahi taove:
i) Janglal ii) Kamboi iii) Benny Khongsai iv) Vahneihat
GJCC treasurer- Mess incharge ding in Ml. Thenlal lhendoh ana hitai.
Jubilee Nite guest ho mopo ding in Ml. T.Seijathang Fin.Convenor ngense ahitai.
ASEI KIT TAOVE…… (KSC status update)
*D.Nehpu: Mikhat in nadam dam hinam ahintin,Kenjong Adam jingnai Kati.
*Kabir Nehku: Poli, ni ngaidam o…nang puri kapetapoi (Nl.Diana toh John Uicha kihou na ahi)
*Salbung tahchapa tahchanu koiham EimiCotton Field band ho khopi GJ a perform venom kit???
(No comment)
*D.Thongkhosei Haokip: KSYC Silver Jubilee iman naovah DUSTBIN GROUP dancer ho lolhing kakisa pen uve.
Comment-dustbin Kkim jong athem mong mong in akilomsel e!
*YangfooEimi: Jingle emergency natong ding ka hol e ₹ 250 kapeh ding ahi.
Comment-Lkilong: Natong lou va sum kilah thei ham?
-John: ₹ 50 hap be in lang kei hung kon tah tang ₹250 chula melse deuva!
* D.Kop Mang: to whom it may concern “ lungset tah in group dang ah nei add ta hih u vin, KSC apha set e”
Comment- Lkilong: nang na add ho chu angol thim hiveh tau na!
Nahet tah em?
K.Salbung khoto (ECA gallery) hi khonah (cemetery) sang’a 151.8 ft a niem jo ahi. Tuikhanglen chung 2,734 ft (approx.) a cheng ihiuve (source GPS)Eiho kho ana kithenso achun Chief Guest Pu Holkhomang liem na’n Jaana Gaana ana kisa e.Khosung a Tin Inn (langva) ana khu masapen chu Pu Jangsem @ Jamesbond ana hi.Edited Printed at EYF Compuzee K.Salbung 795128, Sponsored GJCC, Published by Publicity Sub-Commtt, Head Office Ngulchin Inn, A-Flat, Room No-07
Jubilee Countdown 222 days to go
HENKHOLET ROAD A IKI KHEL MATJEL TAOVE!
Eiho khohi Teddim Road NH-150, Tuibuong leh Bazaarpi 2-3km bouva gamlha ahin sumkolveina ding a lemchang nasah lou uham? Sumkolvei (business/commercial traffic) kiti hi mihem alhom leh phachom lou ahi. Sumkol vei (dukandar) ding chun (1). Kamphat tho angai jin. (2). Thilman chungchang a mi lunglhaina angaichan ahi. Eiho khohi inn 142 tobang ahin, (D.T. Haokip J/A interview issue 3) innsung khat a mihem mi 4 alhangpin kila taleh mi 568 tobang ihiuve. Hotel/dukan 12 inei uvin, agom a nikhat income Rs. 4050/- (average) amu phaovin ahi.
Teddim Road K.Salbung Henkholet Road ichesuh leh 300 meters vel in Lajangphai kho a um in (eiho NH lampi apat Pu, Ngamlet te Rice Mill inchan vel tina ahi) lungdon umtah khat chu akho uva dukan 1 nikhat summu (income) sangin eiho kho pumpi dukan/hotel ho income alhom jon ahi. Ipijeh ahi tadem?
Particulars MRP Quantity Salbung Lajangphai Kikhehna
ORS-L 25 1 25 20-23 5-2
Everyday Milk 335 1kg 330-340 270-280 50-60
Everyday Milk 145 1/2 kg 160-170 140-145 25-30
Jumpin 12 1 15 10-12 5-3
Fanta/Sprite 68 1.5 L 70 50 20
Gift umlou Special Gift
Achung a thilman ho akon tampi ihet doh diu tahsan aum in ahi. Hetding khatchu Lajangphai a thil cho hohi eiho kho 80% amaho kho 18% midang 2% tobang ahi. Mikhat chun eiho kho a item 1-5 chi taleh Rs.95/- mangjou ding ahitai. Jingkah, suun, nilhah, jaanseh leh eiho khomi Henkholet Road a kikhel matjel hi khantou nakhat ahi iti theidiu vem? Business kiti chu acho hojong kipah; chenom kit, ajoh hojong TONG hilou ding ham? Ole iti nagel em Laijon? (Hiche article hi khosung mipi ngaichat leh ngehna sangtah akon kijih ahi)
K.Salbung Golden Jubilee Gate, kitung dohta
JUBILEE NEWS
Jubilee souvenir (L) Pu. Letkhoneh (founder of K.Salbung) memorial a soding phatsah ahitoh lhon in Pu.D.P. Haokip, IRS in a sponsor ding ahitai.Jubilee Calender Publicity sub-commtt. in October 2013 sung a ahin print-out diu ahitai.Golden Jubilee lopna nikho a Chief Guest ding Pu. Ngamthang Haokip, Hon‘ble Minister, F/President Pu.T.N.Haokip Hon‘ble MLA, Guest of Honour Pu. Khaipao Hon´ble MDC, Chief Host Pu.D.Letkam chief of Kholmun. Night programme Chief Guest Pu.Demmang Hon´ble V/Chairman ADC CCpur phatsah ahitai.Mahajon Paojangam, Secy. Finance Sub-Commtt. akon thulhut kimu dungjui in Jubilee fund-drive amachal jing in tuthah a sum hinpe ho anoija bang hin tahlang ahi:1. Nl. T. Vahboi Rs. 2000/-
2. Pu. T.Seijathang Rs. 10,000/-
3. Ng. Hoineilhing Rs. 2000/-
4. Nl. Titing Rs. 2000/-
Golden Jubilee lopna a artistes kouding a phatsah ho:Gospel: 1. Ms. Ngaineilhing 2. Ms. Lhainei
3. Ms. Nemsemhoi 4. Ms. Esther Sitlhou
5. Ms. Thengnu 6. Mr. Lenchung
7. Mr. Jeff Akai
Pop: 1. Benny Khongsai 2. Jimmy Lamboi
3. Kamboi Baite 4. Thangcha
5. Kaikai Kipgen 6. Love Joy
7. Lenlai Lom Band 8. Maxxy Minthang
Hetsahna
1. 9th June 2013 nikho leh hou inn mun a Jubilee Commt. holeh Sub. Commt. ho jouse Souvenir ading lim lahna umding ahi.
2. Articles, obituary a koiding limlah june lhasung a D.Lalboi, Convenor kom a ahi louleh dlalboi@yahoo.com a pehcheh ding ahi.
Sd/-D.Thenlal
Secy. Souvenir Sub-Commtt.
June 1st week leh khosung a fund drive kibol kitding ahin atam theipen pecheh din ana kigoung ute. Gampam a umhon Pu. T.Hemkhothang, Treasurer khut a lhun nathei ding lampi ana ngaito cheh uhite.Sd/-D.Paozangam
Secy. Finance Sub-Commtt.
Khosung Thusoh
Salang Veng-
› Gl. Jangminthang a.k.a Ramuji DU a M.Phil entrance boldin anavai kondoh tai.
› 13/05/13 nikhon Pu. T. Jangsei ana mollem tai.
› Ml. Helkholen, JCO A/R leh a sahei laidum Nl. Nemkhovah Shillong tolpi apat achate vil din khosung ahung vailhung lhontai.
› Ml. Nohkholun le a innsung miten Tata Magic van khat ana lamdoh taove.
Venglai-
› Gl. Lalkholun, Asst. Teacher SBS in FZ bike khat ana kilam doh toh kilhon in khosung a nungah melthah hung jouse toh melmu tha ahitai.
› Ml. L.L. Haokip le a innsung miten pucca fencing abol jinglai u ahi.
› Gl. Ngamminlal khosung a phatchom khat khosah kholhang vil a hungchu a themjil namun Delhi tolpi jon in ana kalsong kit tai.
› Gl. Paominthang Silchar University a umchu NIT a research investigator (contract basis) data collecion bolding in khosung ahung vailhung tai.
› Nl. Neipi gari accident jeh a anamachang chu adam doh tai.
Vengnoi-
› Gemini Gangte Doungul w/o Ml. Lamtinthang exam bol din ahomtho ma2 a inneipu dalhan Delhi tolpi ana jon ta chuea
› Dr. D.S. leh a innsung miten Car (Chevrolet Sail) thah khat ana lamdoh uchu Upa Khaimang in lhandohna ana neitai chuleh Capt. Thonggoulen phatchom khat khosung vil a hungchu a posting namun Jammu jon in ana vaikon doh kittai.
› Ml. S. Khaiminthang a.k.a Mark leh a innsung miten innthah ana lam uchu Pu. D.Lalboi S/S Sptd. in ana hondoh toh kilhon in ana lopan taove.
› Nl. S. Nengcha le a innsung miten a address u sahlang Agra veng apat lhang lang Sri Lanka veng a ana khel taove.
› DTS 2012-2013 session farewell programme loupitah in ana mangchai taove. Tu nikho leh ECA Church M.Songgel mun a graduation programme aman ding u ahitai. Upa Khaimang Ch/MED, D.Th graduation alah ding ahitai.
› Gl. Letminlen phatchom khat Goa tolpi vil a che chu ahung vailhung tai.
TEPNA
3rd June 2013 (Monday) 6:30 pm leh S/S Hall mun a khosung Cl-X, Cl-XII pachang ho vangthum peh naleh toppers award hopdoh na kingon a khosung mipi hunglha cheh ding in tepna leh hetsahna kahin nei e. Pu. D.T. Haokip donor Haokhothong Award leh Pu. D.K. Thangboi donor Jangkhongam Award tenin tilkhouna giltah anei lhonding, efy top singer hon Pathen vahchoi lasah na anei diu chuleh Upa Khaimang in vangthum pehna anei ding ahi.
Sd/- T.Jamkholun, Secy. Welfare Commt
Publishers desk!
Bible in na tutu na at ding ahi ati. Phailei a champhai khounem tupan khousang a-at pon, K.D. tupan HUIKAP a-at pon ahi. Lekha hasim percentage anem ngaipon lekhasim loupa a percentage asang ngai poi.
Tuchung eiho kho cl-X leh cl-XII pass percentage hi lunglhai um nasah nah uvam? cl-x exam bol mi 22 lah a 17 pass, 3 compartment, 2 fail chuleh cl-xii exam bol mi 10 lah a 8 pass, 2 compartment. Welfare te tohgon nanoija village topper Award chang ding teni cl-x a Haokhothong excellence award Ng. Jessica Lamhoilhing, Pu Khupgin chanu lhumpen 72.4 %, cl-xii a Jangkhongam excellence award Gl.Hemminlen Touthang, Pu. Jamkholun chapa tahpen 85.4% iki papiu naban uva award hin gong doh holeh atohdoh teni Pu.D.T.Haokip leh Pu.D.K.Thangboi pachatna ipeuvin ahi. Tuchung hi kahet khel loule K.Salbung thusim a khosung pansa a exam bol 70%,80%,85% kimu tam napen leh akimu patna hiding katahsan in ahi. (hetkhel ana hi jongleh ngaidam).
Welfare te award sang ding teni hi lunglhai um kasa lheh in ahi. Ng. Jessica mitkou litlet leh skirt tong thitthet a mike ginna jouse adel le2 lam kahe khapon, Gl. Hemmin a vaivai a lam ajot lam kahe khapon, aloi apai thil aguh a mi aphin, avoh le aki delpi lam kahe khapon. Ng. Jessica alunghan lam kahe khapoi. Pathen agin jeh lhon leh nu le pa, a ute thu angai jeh lhon a Pathen phatthei boh changlhon a K.Salbung thusim adia village topper award masapen changthei lhon hinte tin kagel in ahi. Mihem in a tutu chu a-at ding mong ahi. Bible thusei aguilhung lou aumpoi.
HOUBUNG THUSOH
EYF Kaikhom pet a , WORSHIP TEAM in LAA a lamkai pet
≠ 12/05/13 Nute nikho lolhing tah in akimang chaitai. Speaker Nl. Nengneikim Chairperson KPA W/M. W/M lamkai nanoija nuten kitet na jat chomchom anaei uve.
≠ 19/05/13 Penticost Day nin Evan. Thenmang in Pathen thu a tilkhou na ana neijin ahi.
≠ Houbung kivil tona prog. a houbung miten Zalenmun ECA vilna 26/05/13 nilhah in ana kinei in ahi. EYF ten vahchoila ngaitah ana saove.
≠ Bench thah 25 ana kido be tai.
≠ Inkon ni (i). Ml. S.K. Seilal family (ii). Ml. Nehsat family akon mi 17 houbung member akibe tai.
≠ Ml. D.Lamkhosei leh Ms. Tinkhonei pinden kichenna Area Pastor Rev. Chungkhojam khut a ana neilhon tai.
≠ Central ME dept vehicle project ding in houbung in Rs. 15,000/- ana kipe tai.
≠ Huipi in asuhset L.Tollen ECA Church, Tamenglong sahphat nading houbung in Rs.10,000/- ana pe.
≠ 31/05/13 Eyf ten member chankhompi simlai pachang ho kipapi naleh chadon khompi na ana nei uve.
≠ Chate nikho 09/06/13 nikho leh loupitah a manding tohgn aum tai. Ml. D.Lalboi in Pathen thu a tilkhouna anei ding Rev.Robert.H.Vaiphei in seminar class ’ Christian Youth in a changing world‘ anei ding ahi. Dngnou nading Integrated community development project, ICDP hon apoh doh diu ahi.
≠ Sunday school union Half Yearly exam jingkah devotion kichai leh umding ahi.
INTERVIEW WITH Gl. Hemminlen Touthang (Village topper cl-xii)
Jubilee Awgin: Lolhin na sangtah nanei thu kajaovin kahin kipapiuve. Chomcha iki houlim thei diu ham?
Village Topper: (Anu in..na ute chu chibai bol tang o, ahintin) Chibai, ipi jong kisei ding hamo!
J/A: Hoilai school ipi stream akon hichan gei nahi thei ham?
V/T: St. Paul Institute Arts/Humanities akon kahi.
J/A: Ucha ijat nahiuvem? Na lolhin nachung ahi na insung miten ichan geija pan alah uvem?
V/T: Ucha 5 kahiuve, pasal 2 l2 numei 3. Insung mite kithopi nahi seijou hoi ahipoi. Lolhin nahi taona jal ahi pen e.
J/A: Pungkal ijat lekhasim na a naman am? Na lekasim sung a ipi me me na me am, na diet itobang ham?
V/T: Alhangpi in nikhat a 4-5 hrs. kasim jin ahi. Lesson/subject up-to-date kabol jou peh e. Exam session leh pung 1-2 vel kasim be jin ahi. Alhangpin thinglhang me bou kame jin ahi, chuleh diet ima kabol poi.
J/A: Khosung welfare ho panlah nahi iti nangaito em?
V/T: Loupi kasn lekhasim laiho vetsui keo keu u hilouva kitilkhou nading Award changei ahin boldoh jeh uvin competition level jong hatah a sang ding in katahsan in kakipapi lheh e.
J/A: Maban lungtup ipi nanei em?
V/T: Further stuty outside Manipur a cheding chu akon maban chalbe ding kagon, lolhin thei nading in houbung mite taona kangaichan ahi.
J/A: Jubilee Awgin chung chang seinom nanei em?
V/T: 1st issue kamu chun kakipah lheh jeng e. Thil ase apha dei um chacha hinsei dohthei ’awgin‘ khosung a seitho keu hilou a ajem a jong muthei leh simthei inei uhi loupi kasan ahi. Panla ho jouse chung a kakipa na kaphong in J/A damsot hen. Kaki pah e.
ADVERTISEMENT
Hinjon-in Hinjon-in
Chempong, chemkon, chemcha, tupeh, heicha leh adang dang nadei dan sanga hoijo leh phajo nakhet sah nomleh The Touthang Blackmith, vengchung hin jon in. Kisih pon nate.
KOISEI AHIDEM O!
→ Joicy leh Ngahneihoi Exom a pass lhon tahleh bank jong salbung a tollut di himei
→ Tuchung cl-xii exam result chu lunglhau aum tangei e.
→ Rice-mill parts moreh a kaga choh leh dangka 20 man ahe, ka ingap a kahi
→ Welfare commtt. kitou hi Bus stop a kitou abang e, refreshment umlou.
Hetsahna
Ahunglhung ding dt.04, tuesday nikho leh Jubilee Gate tundoh tahding tohgon aum toh kilhon in khosung mipi adeh a gollhang ho hungkhom a pan hung lacheh ding in kahin hetsah e.
Sd./-Pu.Nehthang, Convenor Physical Arrangement
CLASS X leh XII exam a lolhing ho
Name Father/Mother School Class Percentage
Jessica Lamhoilhing Khupkhogin St Marys’ X 72.4
Esther Chingthem Ngulkhohao -do- -do- 72.2
Semminlal Seikholun -do- -do- 70.2
Mary Lhingneikim S.Demthang -d0- -do- 68.2
Ngahneihoi D.Thonglet YLS -do- 68.2
Grace Lhingneikim S.Hejang St Marys’ -do- 68
S.Lamgoulen S.Demkholun -do- -do- 67.8
Vahnei Thangkhohao SBS -do- 67
Paominlal Paokam Happy Heart -do- 65.8
Thangvanglen Tinthang St.Marys’ -do- 65
Thangkholam Ngamjalet Sunshine -do- 60
Hatneikim (L) Paokam Happy Heart -do- 59.6
Jangminlun Touthang Jamkhogin RFS -do- 59.2
Lhingthenkim Upa Khaimang GM Model -do- 53.8
Joicy Nemneilam Letngam Sunshine -do- 53.4
Hatneithem (L) Thongkhohen Happy Heart -do- 52
Vahhoineng K.Jangthang RFS -do- 46
Paul Nehminthang Dr. D.D.Haokip DPS,Gthy -do- 85.5
Henminlen Touthang Jamkholun St Paul XII 85.4
Lhingneivah Khongsai Ngamhao Young Pillars -do- 72.8
D,Lunkholen Paojangam Sielmat -do- 67.4
Nemneihat Ngamjalet -do- -do- 70.6
Richard Hemlenlal (L) Sumgin -do- -do- 69.4
Satminsei K.Jangthang Young Pillars -do- 54.2
Letkhotinthang D.Paojahao Kpi -do- ??
Vaigei tah a thusoh kimu
Pu Nehthang, President KSYC in Jubilee masang ngei a innthah chenlut ding dei naleh family expansion ginlal na in innthah nasatah aboipi jing laitah ahi.Ng. Nengneikim Kipgen, Olympic Miss 2nd runners up in V.K. Tawna shopping mall a kum 2 sung ding in contract sign anabol tai.GJCC secy Pu.D.K.Thangboi in 27th May nikhon kichenkal kum 8 lhinna anniversary leh a inneipi Nl. Ngairemi ’ Nute Nikho‘ prize kelcha khat in ana lom e.Felicitation prog ading seat arrangement 3rd june, monday 3:00 pm leh s/s hall mun a umding ahin, KSYC member jouse jaokim cheh din ahi.KIPAPI NA THUPHON
¤ Cl-X,Cl-XII exam lolhing ho jouse chunga J/A team in kipapi nathu sangtah in kahin phong uve. Pathenin mapui jing uhen lang maban a lolhin na sangjo cheh cheh hung chang taohen. GJCC Chairman Pu.S.Hejang chanun jong pachanna sangtah ahin neina chung ah J/A in kakipa piuve.
¤ Hawkers hon kho-sah kho-lhang Haosa, lamkaiho J/A apeh jing jeh un kipa thu aki phong e
-Editorial Board
Published by Golden Jubilee Committee Publicity dept. sponsored by GJC, Edited at Ngul-Chin Inn, A-Flat 07 Printed at Shi-Twi Computers, Tuibuong
K.Salbung April 07 (Sunday), 2013 VoL.1, Issue 2. Monthly
JUBILEE GATE TUN NADIA KSYC OFFICE BEARER HO NATOH PET
K.Salbung khopi Golden Jubilee kiman nading a naa kitong dohsa ho leh tohding a hung kisodoh J/A hi angai nading nakhang neijousen ngai cheh hen, chutileh Jubilee mangnom pen leh alolhing pen ding nahi.
~Chairman Jubilee Commtt.
K.Salbung khopi Golden Jubilee 10th Jan.2014 kiman nading chungchang a kisalel ho jouse chunga kakipana sangtah in kahin phong in ahi. Jubilee committee dept. chom2 ho akon mit a muthei thil tampi ; Billboard, Soung, Gate, Jubilee Awgin aumtah jeh hin kakipana asang dehset in ahi. Pathen in ima pui uhen lang, Jubilee lolhing tah in mangkhom cheh u hite. Pathen in ei umpi taohen.
~ D.T. Haokip, Haosapu
Jubilee News
* Achesa 28/03/13 (thursday) nikho in KSYC office bearer, Welfare le V/A lamkai hon Golden Jubilee gate tun nading munho anavetoh uvin, foundation jong KSYC te lamkai na in ana kilai pantan ahi. Gate hi April 1st week sunga tundoh teiding tohgon ahitai.
* 28/03/13 nikho in Jubilee Billboard Teddim road parking mai a publicity dept. ho lamkai nanoija tahdoh ahitai.
* Jubilee Finance Dept. Secy. Pu Paozangam hetsah dungjui in tulha kichai lamleh Fund Drive nasatah kipan ding ahitai.
* Songs Drama Dept. Secy. Gl. Letthenlal akon thu kimu dungjui in LA gollui la kai hihen lang western lakai hijong leh asemthei chan in sem a dept. ho koma ahin pehlut diuvin ahin hetsah in ahi.
* Jubilee Soung pohlhung ahitai.
* Jubilee Band hojong nasatah in akigong pan taovin ahi.
* Jubilee gate soldering hou inn a achelhah jing laitah ahin, April 2nd week sung a tundoh theiding in aumtai.
* Pu. D Haopu, Social Worker in Jubilee gate semna ding GI Pipe 14 kiphaltah in ahin tohdoh in achunga kipathu seijoulou akiphong in ahi
KHOSUNG THUSOH
Sahlang Veng
Pu D.Lhunthang le a innsung miten inn thah alopan taove. Gl. Pagin in pvt. room nasatah a aboipi jing laitah ahi.Pu D.Haopu in a inn compound pucca fencing abol jing laitah ahi.Pu. Khupsei Singson le a innsung miten, singson veng a a inn thah u alo pantauve.Pu. T.Samuel in inn thah aboipi laitah ahi.Gl. Jangminthang @Ramuji a.k.a Kavie in UGC noija JRF ana mutai.Mahajon D.Paojangam in a inn compound pucca fencing bolna ding in pucca foundation achaitai.Pu.ST Jangboi le a innsung miten inn thah alam u ajo kon cha ahitai.VENGLAI
Lalkholun Khongsai le a innsung miten inn thah ana lam u (Jubilee soungphung kom) chu alo pan tauveJubilee commtt. Secy. Pu. D.K.Thangboi, Sr. MCS,SDO Saikul akon in Addl.DC Sadar Hills in ana kaisang tai.Dr.D.D.Haokip leh a innsung miten HOLI golnop a inn compound sung uva mistry hotoh choh thet in anamang uve.Pi. Lhaijahoi w/o D.Letthong damlou a Imphal lang a anakijen chu damlam mano in ahung pot dohtai.Pu.L.L.Haokip Vice Ch.GJCC in ACTIVA thahset khat ana lam doh tai.Gl.Demkhomang @Delonge le Japhet a.k.a Luis phat chomkhat khosung a nomtah a ahung kihui lha joulhon in athemjil namun lhon Delhi tolpi jon in ana vaikon doh lhontai.VENGNOI
Gl. Doungul Lamtinthang @ BT in 28th Mrch nikho in a chabi lom tuhding Ng. Gemini Gangte ana kipui lut ta chue!!Pu.D.T.Haokip, haosapun a inn compound pucca fencing thupitah a aboipi chu achai vahding ahitai.Pu.S.Khaiminthang @ Mark le a innsung miten innthah alam uchu chailam mano ahitai.Pu Solomon (Gracy pan) pucca building thupi tah asah jing lai ahi.Mahajon T.Thongngam in pucca building asah jing laitah ahi.Pu.T.Thangkhohao Haokip in innthah hoitah alam jing laitah ahi.Koitelui protection wall kisem chu amachal jing in ahi.Ng.Mima jong athem jil namun shillong tolpi apat ahung vailhung tai.Publishers desk!
Sopi, Jubilee thupi/kum thupi kichepi hohi iti nagel em? Midang hon jubilee nikho leh bat le tham ho ngaidam na thu ana phongdoh jiuvin ahi. Hitobang machun kiloikhom naleh gam phabep hon ama thupi deilhen cheh achepi uvin ahi. Eg. ECA 2013 Thupi Phatthei koun nading nahi, Pathen in Abraham mitam tah hinso ding a asem banga hi ECA te jong mitam tah lhagaova hiso ding le phatthei koun na bulpi hiding ti hile kilom in kahen ahi. Tulai a gam khangtou pen a kihe USA ten jong 1969 kum in ″In God We Trust (Pathen a kingai kahiuve) ti thupi namdet na ana neitauvin ahi. Hiche thupi hi American civil war laiya Union Civil War military unit khat thupi akon kiladoh ahi. Eiho Manipur a um Assam Rifles ″Friends of the Hills″ atiu tobang hi ahi. Civil war galjona ahin nei jeh uvin United States of America states 50 kigom khom thei uva tuni kho ahi leiset agam khantou pen het hung hiu ahi. Eiho K.Salbung khopin 10th Jan 2014 le Golden Jubilee tohgon loupitah inei uvin ahi. Jubilee thupi ding in ″Pathen a kingai kahiuve″ tin loupitah in itah doh tauvin ahi. Hiche thupi hi USA te thupi ahijeh a ilah uham? athucheng hoi isah jeh u ahi khadem? Bible in nangho naki kou nao toh kitoh in chonun ati bang in, eiho jong ithupiu toh kitoh a ichon uva Pathen a kingai jing mite chon ijom uva, thangthip, Pathen semsa mihem khat muda, thuse po le, mi tohsa chung a minphat kihol, juneh motchon akon i ongthol thei uva ahileh Golden Jubilee hi i thupiu toh kitoh in mangdoh nao hite tihi Jubilee Awgin kinepna lentah ahi.
HOUBUNG THUSOH
Achesa 29th March le 31st March nikho in Good Friday leh Easter Sunday loupitah in ana kimang in ahi. Pu.D.Lalboi le Upa Khaimang in Pathen thu in houbung mite tilkhouna ana neilhon in ahi. EYF ten jong vahchoilaa ngeitah ana sauve.KPA, EYF te tohgon nanoiya Music tainning 1st-6th April Kholmun ECA Chuch ah EYF thalheng in; Gl Ngamkhogin, Music Secy, Gl.Henkholen, Ng. Lhingjahat B, Ng.Chinnneineng A, ho aga pang uve.30th March nikho in KPA S/S Board ho tohgon nanoiya S/S Teacher workshop Koite ECA Church mun a Union S/S Ojaho jouse aga jao uvin ahi.31st March Sunday nilhah in Pu Sasang Singson leh a innsung mite houbung a lahlut ana hitaove.HETSAHNA
Golden Jubilee Souvenir ading Article, Poem (K.Salbung toh kitoh bou) sun nom jousen hard/soft copy (Disc/pendrive,e-mail, obituary ading lim, thusim 50 words leh Rs.500/-) August 2013 kah a e-mail: dlalboi@yahoo.com a nahin pehlut thei u ahi.
KOISEI AHI DEM O!
→ A source neipe diuvin kahung taove
→ Ibol jui jui diu ahi
→ Aichubah!
→Aaaaa, PORAM pan tao hitin
→Hoikom lam ah?
→Lhavah anop e
INTERVIEW WITH Pu.S.Hejang Chairman GJCC
Jubilee Awgin: Pu. Chairman Golden Jubilee man ding dan chomcha iki houlim khom thei diu ham?
Ch.GJCC: Aichukhohlou pichu.
J/A: Golden Jubilee Celebration Committee itih nikhoa kiphut doh a chule ipi ham atup?
CH.GJCC: K.Salbung kho kiphu dohkal kum 50 ahitah jeh in Golden Jubilee manna ding a 23rd April nikho in khopi kihouna ah GJCC member lhendoh anahin, apat pat in taona leh lhandoh na ana um in ahi. Hiche hi Pathen thangvah naleh kipathusei nading a kigong tup le doi ahi.
J/A: Kipa aumme, apha lheh e. Commtt. mi ijat nahiuvem, budget ijat dia nagon uham?
CH.GJCC: Member 13 ahin Sub Commtt. 9 aum e. Budget Rs. 6,50,000/- kigong ahin finance sub commtt. gon dungjui a kiphaltah a ina peh chehdiu hinte.
J/A: Programme itobang a manding nagot uham? Suun/Jaan prog. ding ham?
CH.GJCC: Session ni (2) hiding, suun prog. kinpi, jaan Jubilee lopna thupi tah a kimang ding ahi. Munchom a ana chengdoh hojong kikou di ahi.
J/A: Prog. ahung nai tul2 tan itobang thil nabol doh tah uvem? Dept. ijat akom report umtam?
CH.GJCC: Jubilee soung aki chotan, gate, billboard, receipt book, seal, letter head, Jubilee Awgin hohi tu tadi a aki bodoh cheng ahi.
J/A: Jubilee ankoung kiti tobang kaja jep uvin, itobang tohgon umham
CH.GJCC: Adih naiJubilee annkoung sokhom ding tohgon ahin Sel khat haosapun ahinto ding avalset ading a GJCC in agonbe ding ahe.
J/A: Jubiee Awgin chungchang seinom nanei em?
CH.GJCC: J/A akisodoh apat khosung mipite hinkho mandan kikhel kasa e. Jubilee kiman anop didan agaldot ahin hijeh chun simjing ute.
Jubilee Awgin Vol.1, Issue 1, March 24 kiin le bong a kibol ahijeh in lhinlal na tampi umding in katahsan uvin J/A in suhkhel naho jouse chung a ngaidam kahin thum uve. Ahithei chan a maban issue mipi lunglhai ding in katahsan uve. Chule Article hung kipe/kithot kiso manlou ho next issue lang leh soding kinem in ngah jing ute.
EDITORIAL BOARD
Pu. Mangneo Publisher. Ng.Hoineilhing Manager
Gl. Letthenlal Chief Editor Gl.S.K.Helun Chief Reporter
Gl. Nehlenlal Editor Gl. Kabir Reporter (Goa)
Gl. Henkholen Jt. Editor Gl. Syou Reporter (Bengaluru)
Gl. Laljahao Correspondent
Published by Golden Jubilee Committee Publicity Dept. Sponsored by GJC
Nungah Hoineilhing@Lhingboi,a.k.a.tongsat birthday
Pu D.Mangneo Family sponsored nanoi a, EYF Commt. le J/A Team hon Nungah Hoineilhing@Lhingboi kum 27 a lhinna, combined surprise birthday celebration ana kiman pih in, hiche kiin achun birthday cake cutting leh ahung kikhom ho jouse cake nehsah na kiin jong ana um in ahi. Alangkhat a birthday girl nu le angai lut aloi apai te hon nehthei jat chom2; Fried rice with chicken, Chicken Momo with soup, juice etc ho in eina treat kit uve
K.Salbung Khopi March 24, 2013 JUBiLEE AWGIN Vol.1, Issue 1, Monthly
Palm Sunday ni a EYF ten HOSANNA asap pet u
JUBILEE AWGIN LIEMNA
K.Salbung kho kiphudoh kal kum 50 ′Golden Jubilee‘ ahunglhung ding January 10,2014 nikho a lolhing tah a mandoh tei tupnan lhaseh a itohnao machal leh kihettona ding in Golden Jubilee Sub Committee Publicity Deptt. mopohna a hung kiso doh ′JUBILEE AWGIN′ liemna le kipapina akphonge.
Hiche Awgin a kona pan lacheh din asimdoh jouse tep ihiuve. Editorial Board Pathen in mapui jing hen
(HEJANG HAOKIP)
Chairman
Amasan khosung mipi hole Jubilee Awgin sim jouse Editorial Board in salam kahin peuve, chule Jubilee Committtee ho chung a kipathu seijoulou kahin phong uve. Jubilee Awgin in lhang ahinsap pantah toh kilhon in ateh akhang alen aneo in kitoh tah le chamdel a Jubilee mangkhom ding in panla cheh u hite. Ahung lhung ding kumthah a Jubilee loupi tah a manding tohgon inei utoh kilhon in ahibang tah a iman doh thei nading un taonan geldoh jing u hite.
— Editorial Board J/A
GOLDEN JUBILEE THULHUH HETDIA PHAHO:
5th Sitting, Res/no.2 Jubilee theme din Psalms 56:4, ”In God We Trust“ phatsah ahitai.6th Sitting, Res/no.2 Jubilee a thading siel (mythun) holding in Pu.Ngamhao V/A member le Pu. D.Thenlal, Jubilee Commtt. ngense ahi.7th Sitting, Res/no.3 Jubilee Gate khat permanent a tunding phatsah ahi.7th Sitting Res/no.5 (ii) Jubilee kahsea Jubilee mouthpiece ding in JUBiLEE AWGIN lhaseh a sodin phatsah ahi.NAHET TAH EM?
» K.Salbung vangkho hi achesa 21st March 1964 (Tuesday) nikho a ana kiphut doh ahi.
» Ahunglhung ding 5th Nov. 2013 le KSYC in Silver Jubilee thupi tah a aman dingahitai.
JUBILEE A DING A NGAIDAN LAHKHOM
Jubilee T-Shirt/moflar semding.Khosung mi BA/BSc chunglam ho Souvenir a amin u chonsah ding.Khovel haosa ho jouse special invitation bolding.Eimi sunga MLA, Officer, MDC ho jouse jong kouding.Khosunga athisa ho memorial stone amin u jihding.GOLDEN JUBILEE BUDGET
Proposed expenditure Rs.6,50,000/-Proposed source of incomei) Service bolho
ii) MGNREGS 15 days
iii) Ect etc etc
PUBLICITY DEPARTMENT TOHGON HO
Golden Jubilee Bill Board khat March 2013 sung ngei a tahdoh ding.Jubilee Awgin lhangsap hoibe cheh nading in Reporter le Correspondent koiding phatsah ahi toh lhon in Gl. Nehtinthang Haokip, Admin K.Salbung Community (Goa) le Gl. Seikhohao Bangaluru ngense ahi lhon e.Publishers desk!
GOLDEN JUBILEE
Kum 50 lhinna kilop hi Golden Jubilee akitin ahi. Thailand lengvaipo sotpen King Bhumibom Adulyadej in 9th June 1996 nikhon loupitah in alengvaipoh kal kum 50 ana mang in, 2002 on Queen Elizabeth II in lengvai ahin poh kal kum 50 loupitah in ana mang in ahi. 1887 kum in United Kingdom a Queen Victoria in ama lengvai pohna gam(British empire) sungse a alengvaipoh kal kum 50 loupitah in ana mang in European gamsaung akon leng (Kings Princes) 50 annkong ana so khom pin ahi. Ahinlah Jubilee hijat lah ahin tunikho chan a seimang mo hel khat chu ahile 2002 kuma Queen Elizabeth II lengvaipoh na kum 50 lopna kingoun chu ahi. England lengnu le aji pan The Duke Edinburg tia kihe Prince Phillip in Jubilee kiman masangsen England lengvaipohna gamsung jouse achon lhon e.
Hijeh chun mi ngaisang na nasatah achan lhon jal in Jubilee loupitah ana mang uve. Tuahi eiho K.Salbung khopi injong 10th January 2014 nikho le Golden Jubilee kingoun loupitah igoung pan tauvin ahi. Lhakishsa Pu D. Letkhoneh Haokip in 21st March 1964 kum a a upa lhakihsa D. Janglhun, Kholmun haosapun ana innchoun a K.Salbung village Golden Jubilee iman nadiuva hi lung kitoh tah le chamdel a iman khomthei diuva panla cheh ding in dei um kasa pen in ahi.
Golden Jubilee Celebration Committee
Pu.S.Hejang ChairmanPu L.Letkhohao Vice ChaimanPu. D.K.Thangboi SecretaryPu. D.Thenkholal Jt. SecretaryPu. T.Seijathang Finance SecyPu. T.Hemkhothang TreasurerPu. D.Lalboi Editor (Souvenir)Gl. Ngamkhogin Info. SecyPu. Dr.D.D.Haokip MemberPu. Dr.D.S.Haokip Convenor Jubilee StonePu.T.Jamkholun Conv. Songs DramaPu. D.Nehthang Conv. Physical ArrangementPu. D.Mangneo- Conv. PublicityJubilee Awgin Hawkers ho
Vengchung (i) Gl. Janggoulien
(ii) Gl. Ginkhohao
Venglai (i) Gl. Thanggoulien
(ii) Gl. Lunminlal
Vengnoi (i) Gl. Paojahao ’B‘
(II) Gl. Thanggoulun
Follow Following JUBiLEE AWGIN Already have a WordPress.com account? Log in now. JUBiLEE AWGIN Customize Follow Following Sign up Log in Report this content View site in Reader Manage subscriptions Collapse this bar Loading Comments...
TAGS:God We Trust JUBiLEE AWGIN In mouthpiece Golden
<<< Thank you for your visit >>>
In God We Trust, A mouthpiece of K.Salbung Khopi Golden Jubilee CelebrationWebsites to related : The Open Bible Trust
keywords:
description:
"); } else { win._boomrl = function() { bootstrap(); }; if (win.addEvent
keywords:buy books online, Barnes & Noble, Amazon, BOL, books, Book shops online, Book makers, Second hand books, Book publishers, e books, Independen
sensenet - headless content mana keywords:
description:A repository of unlimited content and a flexible development platform. A single hub for all your content to manage with a v
keywords:
description:We Fix all Apple iPhones, iPads, iMacs, MacBooks, MacBook Pro & MacBook Airs, Apple Logic boards, all Windows Computers & more!
keywords:
description:PromoCell offers a huge variety of reagents and kits for cell analysis and drug development as well as numerous antibodies and E
keywords:
description:Only the best & funniest pictures scoured from all over the internet are posted here!
ArchiveRSSFunny Pictures Galore209607
keywords:
description:
Hit enter to search or ESC to close 0
keywords:National Traveller || your daily inspiration
description:National Traveller || your daily inspiration
ABOUTBECOME A NATIONAL TRAVELLERADVERTI
keywords:
description:
Find
keywords:
description:Find your most confident smile with White Glo. Shop our range of at home teeth whitening kits & oral care products online. Vegan
Hot Websites